கண்ணுக்கு கீழ சுருக்கமா, சுருக்கமில்லாத கண்ணுக்கு இந்த அஞ்சுல ஒண்ணு செய்யுங்க!

​தேன் சுருக்கத்தை நீக்க உதவும்

தரமான சுத்தமான தேன் உங்கள் சருமத்தின் சுருக்கத்தை போக்க செய்யலாம். தேனை முகத்துக்கு பயன்படுத்தும் போது முதலில் முகத்தை சுத்தம் செய்யுங்கள்.பிறகு கண்களில் கீழ் இருக்கும் சுருக்கம் போக கீழிருந்து மேல் திசைக்கு தேனை தடவி மசாஜ் செய்யுங்கள். தேன் பாக்டீரியா எதிர்ப்பு மற்றும் ஆக்ஸிஜனேற்றியாகும்.

இது சருமத்துளைகளை அழிக்கிறது. தேன் மசாஜ் செய்த பிறகு மென்மையான பருத்தி துணியை கொண்டு மந்தமானநீரில் ஊறவைத்து அந்த நீரை வெளியேற்றி முகத்தை சுத்தம் செய்யுங்கள். அதன் பிறகு ஃபேஸ் பேக் பயன்படுத்துங்கள்.

சுருக்கம் நீக்கும் ஃபேஸ் பேக்

முல்தானி மிட்டி – 2 டீஸ்பூன்

சந்தனப்பொடி – 1 டீஸ்பூன்

ரோஸ் வாட்டர் – 1 டீஸ்புன்

தண்ணீர் – தேவைக்கு

கிளிசரின் – சில துளிகள் கலந்து ஃபேஸ் பேக் போடவும்.

​வாழைப்பழம் சுருக்கத்தை நீக்க உதவும்

வாழைப்பழத்தை மசித்து பேஸ்ட் ஆக்கி க்ரீம் பதத்துக்கு குழைத்துவிடவும். பிறகு இதை பேஸ்ட் ஆக்கி முகம் முழுக்க தடவி எடுக்கவும். அரை மணி நேரம் கழித்து வெற்று நீரில் கழுவ வேண்டும்.

வாழைப்பழம் சருமத்தை இறுக்க செய்கிறது. இதை பயன்படுத்துவதன் மூலம் சருமத்தில் வேறுபாட்டை உணரலாம். அதே நேரம் ஆலிவ் எண்ணெய், பாதாம் எண்ணெய், தேங்காய் எண்ணெய் சருமத்தின் சுருக்கங்களிலிருந்து பாதுகாக்க பயனுள்ளதாக இருக்கும். வாழைப்பழத்தில் இவற்றில் ஒரு எண்ணெய் சேர்த்து பயன்படுத்தலாம்.

​வெள்ளரி சாறுகள்

சரும பராமரிப்பு நிபுணர்கள் வெள்ளரிக்காயின் சாறு சரும சுருக்கங்கள் நீங்க பரிந்துரை செய்கிறார்கள். அதனுடன் சிறீது தக்காளி சாறு சேர்த்து இரண்டையும் பாதிக்கப்பட்ட இடங்களில் விரல்களால் மசாஜ் செய்தபடி தேய்க்கவும். தினமும் செய்து வந்தால் சில மாதங்களில் வேறுபாடு தெரியும். வெள்ளரிக்காய் சாறுடன் பன்னீர், முல்தானி மிட்டி போன்றவற்றையும் கலக்கலாம்.

​தேங்காய் எண்ணெயுடன் மசாஜ்

இரவு தூங்குவதற்கு முன்பு தேங்காயெண்ணெயை சில துளிகள் சேர்த்து முகத்தில் சுருக்கங்கள் இருக்கும் இடத்தில் மென்மையாக மசாஜ் செய்யவும். இதனால் சருமத்தில் இரத்த ஓட்டம் அதிகரிக்க செய்யும். இறந்த சரும செல்கள் அகற்றப்படும். இதனால் சருமம் இறுக்குவதும் உண்டு.

அதே போன்று பெட்ரோலியம் ஜெல்லியை மசாஜ் செய்வதன் மூலம் சருமம் சுருக்கம் நீங்கி மென்மையாகவும், மிருதுவாகவும் வைத்திருக்க செய்யும். சருமம் வறண்டு சுருக்கமும் சேர்ந்து இருந்தால் இரண்டும் சீராகி மென்மையாக மாறும். இந்த பராமரிப்பு மூலம் சுருக்கங்கள் சீராக பல மாதங்கள் ஆனாலும் சருமத்தை நீரேற்றமாக வைத்திருப்பதன் மூலம் சுருக்கங்கள் விரைவில் மறையலாம்.

​கற்றாழை ஜெல் மாஸ்க்

சரும சுருக்கங்களுக்கு கற்றாழை ஜெல் மாஸ்க் உதவும் என்பது ஆச்சரியமாக இருக்கலாம். ஆனால் உண்மையில் கற்றாழை இந்த அற்புதத்தையும் செய்யும். இது கொலாஜன் இழைகள் கொண்டிருப்பதால் மென்மையாகவும் இறுக்கமாகவும் சருமத்தை வைக்கும். அதனால் மாசு, மன அழுத்தம், உணவு இல்லாதது, உடலில் நீர்ச்சத்து இல்லாதது போன்றவை சருமத்தின் கொலாஜன் சுரப்பை பலவீனப்படுத்துகிறது.

கற்றாழை ஜெல் ஒரு டீஸ்பூன் ஊறவைத்து அரைத்த பாசிபயறு உடன் கலந்து ஃபேஸ் பேக் தயாரிக்கவும். இதை முகம் மற்றும் கழுத்தில் தடவி எடுக்கவும். பிறகு 1 மணி நேரம் கழித்து முகத்தை சுத்தமான மந்தமான நீரில் கழுவி எடுக்கவும். தொடர்ந்து பயன்படுத்தி வந்தால் முகச்சுருக்கம் நீங்கும்.

கண்களுக்கு கீழ் இருக்கும் சுருக்கங்களை போக்குவது சட்டென்று சரியாக்கி விடக் கூடியதல்ல. ஆனால் மேற்சொன்ன முறையில் விடாமல் செய்து வந்தால் கண்களுக்கு கீழ் இருக்கும் சுருக்கம் மறைவதை பார்க்கலாம்.