தமிழ்நாட்டின் மிகப்பெரிய மாவட்டம் எது தெரியுமா? எதுன்னு தெரிஞ்சா நீங்க நம்பவே மாட்டிங்க…

தமிழ்நாடு இந்தியாவின் மிகவும் முக்கியமான மற்றும் முன்னேறிய மாநிலங்களில் ஒன்றாகக் கருதப்படுகிறது. பொருளாதாரரீதியாக மட்டுமின்றி தமிழ்நாடு அதன் செழுமையான கலாச்சாரம், பாரம்பரியம் மற்றும் வரலாற்றுச் சிறப்புமிக்க முக்கியத்துவத்திற்குப் பெயர் பெற்றது. உலகின் மிக முக்கியமான சில கோயில்களும் தொழிற்சாலைகளும், நிறுவனங்களும் தமிழ் மாநிலத்தில் அமைந்துள்ளன.

நிர்வாக வசதிக்காக 38 மாவட்டங்களாக பிரிக்கப்பட்டுள்ள தமிழ்நாடு, பன்முகத்தன்மை கொண்ட மக்கள் மற்றும் பல்வேறு வகையான நிலப்பரப்புகளைக் கொண்டுள்ளது. ஆனால், தமிழ்நாட்டின் மிகப்பெரிய பத்து மாவட்டங்கள் எவை என்றும், அவற்றில் முதலிடத்தில் இருப்பது எது என்றும் நீங்கள் எப்போதாவது யோசித்ததுண்டா? அதற்கான பதிலை இந்த பதிவில் தெரிந்து கொள்ளலாம்.

திண்டுக்கல்

தமிழ்நாட்டின் மிகப்பெரிய மாவட்டமாக முதலிடத்தில் இருப்பது திண்டுக்கல்தான். இது 6,266 சதுர கிலோமீட்டர் பரப்பளவுடன் மிகப்பெரிய மாவட்டமாக உள்ளது. விவசாயம், ஜவுளித் தொழில் மற்றும் வர்த்தகம் ஆகியவை இம்மாவட்டத்தின் முக்கிய வருவாய் ஆதாரங்களாக உள்ளது. இது தோட்டக்கலை விளைபொருட்களுக்கும், குறிப்பாக திராட்சை மற்றும் வாழைகளுக்கும் பெயர் பெற்றது. சுவராஸ்யமாக 1985-ல் தனி மாவட்டமாக பிரிக்கப்படுவதற்கு முன் இது மதுரை மாவட்டத்தின் ஒரு பகுதியாக இருந்தது.

திருநெல்வேலி

அல்வாவுக்காக உலகளவில் புகழ் பெற்ற திருநெல்வேலி 6,810 சதுர கிலோமீட்டர் பரப்பளவுடன் தமிழ்நாட்டின் இரண்டாவது பெரிய மாவட்டமாக உள்ளது. இதன் பொருளாதாரம் முக்கியமாக விவசாயம் மற்றும் பல்வேறு தொழில்களைச் சார்ந்ததாக உள்ளது. நெல்லையிலிருந்து சுமார் 55 கி.மீ தொலைவிலும், தென்காசியிலிருந்து 5 கி.மீ தொலைவிலும் அமைந்துள்ள குற்றாலம் நீர்வீழ்ச்சிக்கு இம்மாவட்டம் புகழ்பெற்றது.

திருவண்ணாமலை

6,191 சதுர கிலோமீட்டர் பரப்பளவுடன் திருவண்ணாமலை மூன்றாவது இடத்தில் உள்ளது. விவசாயம், சுற்றுலா மற்றும் சிறு தொழில்கள் ஆகியவை இதன் முக்கிய பொருளாதார வளர்ச்சிக்கு முக்கிய காரணிகளாக உள்ளது. இங்குள்ள புனிதமான அண்ணாமலையார் கோயிலுக்கு ஆண்டுதோறும் லட்சக்கணக்கான பக்தர்களும், சுற்றுலாப் பயணிகளும் வருகை புரிகின்றனர்.

வேலூர்

6,050 சதுர கிலோமீட்டர் பரப்பளவைக் கொண்ட வேலூர், தமிழ்நாட்டின் நான்காவது பெரிய மாவட்டமாக உள்ளது. இந்த மாவட்டம் தோல் தொழில்கள் மற்றும் விவசாய நடவடிக்கைகளுக்குப் பெயர் பெற்றதாகும். வரலாற்றுச் சிறப்புமிக்க வேலூர் கோட்டை சுற்றுலாப் பயணிகளை ஈர்க்கும் முக்கிய இடமாகத் திகழ்கிறது.

ஈரோடு

5,722 சதுர கிலோமீட்டர் பரப்பளவைக் கொண்ட ஈரோடு, ஐந்தாவது இடத்தைப் பிடிக்கிறது. ‘தமிழ்நாட்டின் ஜவுளி நகரம்’ அல்லது ‘மஞ்சள் நகரம்’ என்று அழைக்கப்படும் ஈரோடு, மஞ்சள் சாகுபடி மற்றும் ஏற்றுமதிக்கும் பெயர் பெற்றது.

சேலம்

5,237 சதுர கிலோமீட்டர் பரப்பளவைக் கொண்ட சேலம் ஆறாவது மிகப்பெரிய மாவட்டமாக உள்ளது. இம்மாவட்டத்தின் பொருளாதாரம் எஃகு உற்பத்தி, ஜவுளி மற்றும் விவசாயம் ஆகியவற்றைச் சார்ந்து செழித்து விளங்குகிறது. இங்கு மா, மரவள்ளிக்கிழங்கு மற்றும் காபி போன்ற பயிர்கள் பெருமளவில் பயிரிடப்படுகின்றன.

திருப்பூர்

5,187 சதுர கிலோமீட்டர் பரப்பளவைக் கொண்ட திருப்பூர் ஏழாவது இடத்தைப் பிடித்துள்ளது. ‘இந்தியாவின் பின்னலாடைத் தலைநகரம்’ என்று அழைக்கப்படும் இது, ஜவுளி மற்றும் ஆடைத் தொழிலுக்கான ஒரு உலகளாவிய மையமாகத் திகழ்வதுடன், தனது தயாரிப்புகளை உலகம் முழுவதும் ஏற்றுமதி செய்கிறது.

கிருஷ்ணகிரி

கிருஷ்ணகிரி 5,129 சதுர கிலோமீட்டர் பரப்பளவைக் கொண்ட, தமிழ்நாட்டின் எட்டாவது மிகப்பெரிய மாவட்டமாகும். ‘தமிழ்நாட்டின் மாம்பழத் தலைநகரம்’ என்று பரவலாக அறியப்படும் இம்மாவட்டம், பரந்த அளவிலான மாம்பழச் சாகுபடி மற்றும் ஏற்றுமதிக்குப் பெயர் பெற்றது.

கோயம்பத்தூர்

‘தமிழ்நாட்டின் மான்செஸ்டர்’ என்று அழைக்கப்படும் கோயம்பத்தூர் 4,850 சதுர கிலோமீட்டர் பரப்பளவைக் கொண்ட, ஒன்பதாவது மிகப்பெரிய மாவட்டமாகும். தமிழ்நாட்டின் ஜவுளி ஏற்றுமதியில் இது முக்கிய பங்காற்றுவதுடன், வாகன உதிரிபாகங்கள், பம்புகள் மற்றும் மோட்டார்களை உற்பத்தி செய்வதிலும் ஒரு முக்கிய மையமாகத் திகழ்கிறது.

தூத்துக்குடி

‘தமிழ்நாட்டின் முத்து நகரம்’ என்று அழைக்கப்படும் தூத்துக்குடி 4,745 சதுர கிலோமீட்டர் பரப்பளவுடன் பத்தாவது இடத்தில் உள்ளது. இது இந்தியாவின் முக்கியத் துறைமுக நகரங்களில் ஒன்றாகவும், தமிழ்நாட்டின் மிகப்பெரிய உப்பு உற்பத்திப் பகுதியாகவும் திகழ்கிறது.