சமையல் குறிப்புகள்புதியவை

முந்திரி வெஜிடேபிள் குருமா

முந்திரி வெஜிடேபிள் குருமா

தேவையான பொருட்கள்:

* வெஜிடேபிள் – 3 கப் (பீட்ரூட், ப்ராக்கோலி, காலிஃப்ளவர், உருளைக்கிழங்கு, கேரட்)

* பன்னீர் – 1 கப் (துண்டுகளாக்கப்பட்டது)

* எண்ணெய் – 2 டேபிள் ஸ்பூன்

* சீரகம் – 1 டீஸ்பூன்

* மிளகாய் தூள் – 1 டீஸ்பூன்

* மஞ்சள் தூள் – 1 டீஸ்பூன்

* கரம் மசாலா – 1 டீஸ்பூன்

* கொத்தமல்லி – சிறிது

* உப்பு – சுவைக்கேற்ப

மசாலாவிற்கு…

* முந்திரி – 10

* பெரிய வெங்காயம் – 1 (நறுக்கியது)

* தக்காளி – 2 (நறுக்கியது)

செய்முறை:

* முதலில் அனைத்து காய்கறிகளையும் நறுக்கி குக்கரில் போட்டு, சிறிது நீரைத் தெளித்து அடுப்பில் வைத்து குக்கரை மூடி 3 விசில் விட்டு இறக்கிக் கொள்ள வேண்டும்.

* பின்னர் ஒரு பாத்திரத்தில் வெங்காயம், தக்காளி, முந்திரி மற்றும் சிறிது நீரை ஊற்றி அடுப்பில் வைத்து, பாத்திரத்தை மூடி 10 நிமிடம் வேக வைத்து இறக்கி குளிர வைக்க வேண்டும்.

* பின்பு மிக்சர் ஜாரில் வெங்காயம், தக்காளி, முந்திரியை சேர்த்து நன்கு மென்மையாக அரைத்துக் கொள்ள வேண்டும்.

* பிறகு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும் சீரகத்தை சேர்த்து தாளிக்க வேண்டும்.

* பின் அதில் அரைத்த மசாலாவை சேர்த்து சிறிது நீரை ஊற்றி, கெட்டியாகி எண்ணெய் பிரியும் வரை கொதிக்க வைக்க வேண்டும்.

* பின்னர் அதில் உப்பு, மஞ்சள் தூள் மற்றும் மிளகாய் தூள் சேர்த்து நன்கு கிளறி விட வேண்டும்.

* பின்பு வேக வைத்துள்ள காய்கறிகளை நீருடன் சேர்த்து கிளறி, 8-10 நிமிடம் குறைவான தீயில் கொதிக்க வைக்க வேண்டும். அதன் பின் பன்னீர் துண்டுகளை சேர்த்து 2-3 நிமிடம் கொதிக்க வைக்க வேண்டும்.

* இறுதியாக அதன் மேல் கரம் மசாலா மற்றும் கொத்தமல்லியைத் தூவி கிளறி இறக்கினால், முந்திரி வெஜிடேபிள் குருமா தயார்.

Related Articles

Back to top button

Adblock Detected

Please consider supporting us by disabling your ad blocker