நீங்களே காலையில் வேகமாக எழும் நபராக மாற வேண்டுமா?

காலை உணவை உண்ணுங்கள் காலையில் புரதம் அதிகமுள்ள உணவை வயிறு நிறைய உண்ணுங்கள். காலை உணவை தவிர்ப்பது நல்லதல்ல. காலை உணவை உண்ணுவதால் உங்கள் ஆற்றல் அதிகரிப்பதோடு மட்டுமல்லமால் காலை சோம்பலும் உங்களை விட்டு நீங்கும். பழங்களுடன் கூடிய ஓட்ஸ், குறைந்த கொழுப்புள்ள யோகர்ட், அல்லது தானியங்களுடன் கூடிய ரொட்டியை உண்ணலாம்.

மனதை சரியாக வைத்துக் கொள்ளுங்கள் எளிய, ஊக்கமூட்டும் சுய உரையாடல் என்பது மிகவும் அவசியமான ஒன்றாகும். உதாரணத்திற்கு “நான் எழுந்திருக்க வேண்டும்” என்பதற்கு பதிலாக “நான் எழுந்திருக்க போகிறேன்” என்ற நேர்மறையான சிந்தனையுடன் இருங்கள். உங்கள் மனதை ஏதேனும் ஒன்றின் மீது செலுத்தி அதனை முதன்மையான ஒன்றாக கருதி, அதனை அடைய மந்தை ஒருமுகப்படுத்த வேண்டும். கண்டிப்பாக உங்கள் இலக்கை அடைவீர்கள்.

காலையில் எழுந்திருக்கும் போது நடை கொடுத்தல் காலையில் எழுந்திருக்க கஷ்டமாக இருந்தால், இதனை முயற்சி செய்து பாருங்கள். முந்தைய நாள் இரவு அலாரம் வைக்கும் போது, படுக்கைக்கு அருகில் வைக்காதீர்கள். மாறாக அறைக்கு வெளியே வைக்கவும். அப்போது தான் அதனை அணைக்க காலையில் எழுந்து நடக்க வேண்டி வரும். இதனால் தூக்கமும் களையும் அல்லவா?

இதற்கென கைப்பேசி ஆப் உள்ளது ஸ்மார்ட்ஆப் அல்லது மாத் அலாரம் என கேள்வி பட்டிருக்கிறீர்களா? இரண்டுமே உங்களை படுக்கையில் இருந்து எழ வைக்கும். அலாரத்தை அணைக்க ஒரு கணிதத்தை முடிக்க வேண்டும். அப்படி செய்யும் போது, ஆழ்ந்த நித்திரை களைந்து உங்கள் மூளை தெளிவை பெறும்.