உங்க முடி ரொம்ப வீக்கா இருக்கா? அப்ப இந்த இயற்கை வழிகளை ட்ரை பண்ணுங்க…

தலையில் கையை வைத்தாலே கொத்து கொத்தா முடி கொட்டுகிறதா? இதைப் பார்க்கும் போது மனசு வலிக்கிறதா? இதற்கு இயற்கை வழியில் தீர்வு காண வேண்டுமா? ஒருவருக்கு தலைமுடி அதிகளவில் உதிர்வதற்கு பல காரணங்கள் உள்ளன. அதில் மன அழுத்தம், மாசுபாடு, மோசமான உணவு மற்றும் ஸ்டைலிங் பொட்களின் அதிகப்படியான பயன்பாடு போன்றவை குறிப்பிடத்தக்கவை. அதுமட்டுமின்றி, தலைமுடிக்கு போதுமான பராமரிப்பு கொடுக்காமல் இருந்தாலும், தலைமுடி பலவீனமாகி உடையத் தொடங்கலாம்.

இந்நிலையில் தலைமுடிக்கு சீரான பராமரிப்பை கொடுத்து வந்தால், அது தலைமுடியின் தோற்றத்தை மேம்படுத்துவது மட்டுமின்றி, முடியின் வேர்க்கால்களுக்கு ஊட்டச்சத்தை அளித்து, ஆரோக்கியமான முடியின் வளர்ச்சியை தூண்டும். அதுவும் பாரம்பரியமாக நமது முன்னோர்கள் பயன்படுத்திய சில இயற்கை வழிகளை பின்பற்றினால், தலைமுடியின் வலிமை அதிகரிப்பதோடு, முடி உடைவது தடுக்கப்படும் மற்றும் முடியின் அமைப்பும் மேம்படும். இப்போது தலைமுடியை வலிமையாக்க உதவும் சில இயற்கை வழிகளைக் காண்போம்.

1. தேங்காய் எண்ணெய் மசாஜ்

* இதற்கு தேங்காய் எண்ணெயை வெதுவெதுப்பாக சூடேற்றிக் கொள்ள வேண்டும்.

* பின்பு அதை ஸ்கால்ப்பில் படும்படி தடவி, 5-10 நிமிடம் மெதுவாக மசாஜ் செய்ய வேண்டும்.

* பிறகு 1 மணிநேரம் ஊற வைத்து, பின் மைல்டு ஷாம்பு பயன்படுத்தி, தலைமுடியை அலச வேண்டும்.

* இப்படி வாரத்திற்கு 2-3 முறை இந்த எண்ணெய் மசாஜ் செய்து வந்தால், நல்ல பலன் கிடைக்கும்.

2. முட்டை ஹேர் மாஸ்க்

* இந்த ஹேர் மாஸ்க்கிற்கு ஒரு பௌலில் 1 முட்டையை உடைத்து ஊற்றி, அத்துடன் 1 டேபிள் ஸ்பூன் ஆலில் ஆயில் சேர்த்து கலந்து கொள்ள வேண்டும்.

* பின் அதை தலைமுடியில் தடவி 20 நிமிடம் ஊற வைக்க வேண்டும்.

* பிறகு மைல்டு ஷாம்பு பயன்படுத்தி தலைமுடியை அலச வேண்டும்.

* இந்த ஹேர் மாஸ்க்கை வாரத்திற்கு 1 முறை பயன்படுத்தலாம்.

3. வெந்தய ஹேர் மாஸ்க்

* இந்த ஹேர் மாஸ்க்கிற்கு 2 டேபிள் ஸ்பூன் வெந்தயத்தை இரவு முழுவதும் நீரில் ஊற வைக்க வேண்டும்.

* பின் மறுநாள் காலையில் அதை நன்கு மென்மையாக அரைத்து பேஸ்ட் செய்து கொள்ள வேண்டும்.

* பிறகு அதை தலைமுடியில் தடவி 30 நிமிடம் ஊற வைக்க வேண்டும்.

* அடுத்து குளிர்ந்த நீரால் தலைமுடியை அலச வேண்டும்.

* இப்படி வாரத்திற்கு 1-2 முறை பயன்படுத்தலாம்.

4. கற்றாழை மாஸ்க்
* இந்த ஹேர் மாஸ்க்கிற்கு நற்பதமான கற்றாழையின் ஜெல்லை எடுத்துக் கொள்ள வேண்டும். * பின் அதை ஸ்கால்ப்பில் படும்படி தடவி 30 நிமிடம் ஊற வைக்க வேண்டும்.
* பிறகு குளிர்ந்த நீரால் தலைமுடியை அலச வேண்டும்.
* இந்த மாஸ்க்கை வாரத்திற்கு 2 முறை பயன்படுத்தலாம். 5. வெங்காய ஹேர் மாஸ்க்
* இந்த ஹேர் மாஸ்க்கிற்கு ஒரு வெங்காயத்தை நன்கு அரைத்து சாறு எடுத்துக் கொள்ள வேண்டும்.
* பின் அந்த சாற்றினை பஞ்சுருண்டையை பயன்படுத்தி ஸ்கால்ப்பில் தடவி, 20-30 நிமிடம் ஊற வைக்க வேண்டும்.
* பின்னர் மைல்டு ஷாம்பு பயன்படுத்தி குளிர்ந்த நீரால் அலச வேண்டும்.
* இந்த ஹேர் மாஸ்க்கை வாரத்திற்கு 1 முறை பயன்படுத்தலாம்.

6. தயிர் மற்றும் தேன் ஹேர் மாஸ்க்
* இந்த ஹேர் மாஸ்க்கிற்கு ஒரு பௌலில் 2 டேபிள் ஸ்பூன் தயிர் மற்றும் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை ஸ்கால்ப்பில் தடவி 20 நிமிடங்கள் ஊற வைக்க வேண்டும்.
* பிறகு மைல்டு ஷாம்பு பயன்படுத்தி குளிர்ந்த நீரால் தலைமுடியை அலச வேண்டும்.
* இந்த ஹேர் மாஸ்க்கை வாரத்திற்கு 1 முறை பயன்படுத்தலாம்.