அரிசி குழைந்துவிட்டதா..? அதை சரி செய்ய இந்த எளிமையான டிப்ஸ் செய்து பாருங்க…

எல்லா நாளும் நாம் வைக்கும் சாதம் சரியாக வரும் என்று சொல்ல முடியாது. ஒரு சில நேரம் சரியாக வேகாமல் அரிசி அரிசியாக இருக்கும்.ஒரு சில நேரம் அரிசி கஞ்சியாகவும் ஒட்டும் தன்மையுடனும் மாறிவிடும். குக்கர், உலை என்று எப்படி வைத்தாலும் இந்த பிரச்சனை இருக்கும். அதை சரிசெய்ய 5 எளிய வழிகள் இங்கே சொல்கிறோம்.

பலரின் முக்கிய உணவாக அரிசி உள்ளது.இருப்பினும், பலர் குழைந்த ஒட்டும் சாதத்தை சமைக்கிறார்கள். தானியங்கள் மென்மையாகவும் பஞ்சுபோன்றதாகவும் இருக்கும்போது அரிசி மிகவும் சுவையாக இருக்கும். அதுவே தண்ணீர் அதிகமானால் சுவை கெட்டுவிடும்.அதை சரிசெய்ய உதவும் சில எளிய குறிப்புகள் இங்கே உள்ளன.

ஆனால் முதலில், எதிர்காலத்தில் அதைத் தடுக்க அரிசியை முதலில் கஞ்சியாக மாறாமல் சமைப்பது எப்படி என்பதைப் புரிந்துகொள்வோம். அரிசி ஏன் கஞ்சியாக மாறுகிறது? முக்கிய காரணங்களில் ஒன்று, நீங்கள் அதிகப்படியான தண்ணீரைச் சேர்ப்பதுதான். வெவ்வேறு வகையான அரிசி சமைக்க வெவ்வேறு அளவு தண்ணீர் தேவைப்படுகிறது. எனவே, செய்முறையின் படி அளவை மாற்றுவது முக்கியம். அரிசியை சரியாகக் கழுவாதது உங்கள் அரிசி குழைவதற்கு மற்றொரு காரணம். அதுபோல நீங்கள் அரிசியை அதிகமாக வேகவைத்தால், அரிசி உடைந்து குலையும்

அதிகப்படியான தண்ணீரை வடிகட்டவும்:

ஒரு பாத்திரத்தில் அல்லது ரைஸ் குக்கரில் அரிசியை சமைத்த பின்னர் அதில் அதிகப்படியான நீர் தங்கி இருந்தால் அது வரிசையை ஊறச்செய்து குழைய வைக்கும்.அதை சரிசெய்ய எளிதான வழி, அதிகப்படியான தண்ணீரை வெளியேற்றுவதாகும். இதைச் செய்ய, ஒரு சல்லடை அல்லது வடிகட்டியைப் பயன்படுத்தவும். இது அரிசியிலிருந்து அதிகப்படியான தண்ணீரை அகற்ற உதவும். பின்னர் மீதம் உள்ளதை 2 நிமிடங்கள் அடுப்பில் சூடு படுத்து குறைக்கவும்.

ஈரப்பதத்தை ஆவியாக்குவதற்கு அரிசியை சூடாக்குவதற்குப் பதிலாக, குளிர்ச்சி அடைய வைப்பதும் உதவும். அதிகப்படியான தண்ணீரை வெளியேற்றிய பிறகும் உங்கள் அரிசி ஒட்டும் தன்மை கொண்டிருந்தால், அதை ஒரு தட்டில் சமமாக பரப்பி 20-30 நிமிடங்கள் பிரிட்ஜில் வைக்கவும். வெளியே எடுப்பதற்கு முன், தண்ணீர் முழுமையாக வறண்டுவிட்டதா என்பதை உறுதிப்படுத்திக் கொள்ளுங்கள்.

ஓவனில் சூடாக்கவும்:

உங்கள் அரிசி மிகவும் ஈரமாகவும் மென்மையாகவும் இருந்தால், அடுப்பு உங்கள் சிறந்த வழியாக இருக்கும். இதைச் செய்ய, நீங்கள் முதலில் தண்ணீரை வெளியேற்ற வேண்டும். இப்போது, ​​ஓவன் ட்ரேயை பேக்கிங் பேப்பரால் மூடி , அதன் மீது அரிசியை ஒரே அடுக்காகப் பரப்பவும். 180 டிகிரி C வெப்பநிலையில் 4-5 நிமிடங்கள் அல்லது தண்ணீர் வற்றும் வரை சூடு படுத்தவும்.

ரொட்டி துண்டுகளைப் பயன்படுத்தவும்:

கஞ்சி அரிசியை சரிசெய்ய எளிமையான வழி ரொட்டி துண்டுகள் பயன்படுத்துவது என்பது உங்களுக்குத் தெரியுமா? தண்ணீரை வடிகட்டிய பிறகு, அரிசியை மீண்டும் பாத்திரத்திற்கு மாற்றவும். இப்போது அதன மீது 2-3 ரொட்டி துண்டுகளால் மூடி, சில நிமிடங்கள் குறைந்த வெப்பத்தில் சமைக்கவும். சிறிது நேரம் கழித்து, ரொட்டி அரிசியிலிருந்து அனைத்து தண்ணீரையும் உறிஞ்சியிருப்பதை நீங்கள் கவனிப்பீர்கள். பின்னர் பரிமாறும் முன் ரொட்டி துண்டுகளை அகற்றவும். இப்பொது குழையாத சத்தம் கிடைக்கும்.