கோடை காலத்தில் வரும் சரும பிரச்சினைகளை உடனடியாகத் தீர்க்கும் வீட்டு வைத்தியங்கள் என்னென்ன
கோடை காலம் ஆரம்பம் ஆன உடன் சரும பிரச்சனைகளும் வர ஆரம்பித்து விடும். அதிகப்படியான வியர்வையால் வியர்க்குரு, சரும அரிப்பு மற்றும் சரும அழற்சி போன்ற பல பிரச்சனைகளை சமாளிக்க வேண்டியிருக்கும். எனவே இந்த கோடை காலத்தை சில்லென்று சமாளிக்க சில வீட்டு வைத்திய முறைகள் இதோ உங்களுக்காக.
கோடை காலத்தில் எல்லாரும் சந்திக்கும் மிகப்பெரிய பிரச்சினை சரும அரிப்பு தான். ஏனெனில் அதிக வெயிலால் சருமம் சிவந்து போய் அரிப்பு எடுக்க ஆரம்பித்து விடும். கோடை காலத்தில் சரும அரிப்பு, வியர்க்குரு போன்ற பிரச்சினைகள் மிகவும் சாதாரணமானது. நாமும் என்னென்னவோ சோப்பு, க்ரீம்கள் எல்லாம் போட்டு பார்ப்போம். ஆனால் அரிப்பு என்னவோ நின்ன பாடாக இருக்காது. தோலில் சொறி, சிரங்கு, புடைப்புகள், கொப்புளங்கள் போன்ற வெயில் கால சரும பிரச்சனைகளை போக்க ஒரே வழி வீட்டு வைத்தியங்கள் தான். ஏனெனில் நாம் வீட்டில் சமையலில் பயன்படுத்தும் சில பொருட்களுக்கு அந்த குளிர்ச்சி தன்மை காணப்படுகிறது.
சரும வடுக்கள்
கோடை காலத்தில் ஏற்படும் சரும வடுக்கள் குறிப்பாக சரும மடிப்புகள் இருக்கும் இடத்தில் தோன்றலாம். அதாவது கழுத்து, இடுப்புக்கு அருகில், கைக்கு அடியில் போன்ற இடங்களில் தோன்ற வாய்ப்பு உள்ளது.
வியர்க்குரு
வியர்க்குரு போன்றவை அதிக வியர்வை சருமத்தில் வெளிப்படும் போது சரும துளைகள் அடைபடுகின்றன. அப்படி சரும துளைகள் அடைபடும் வியர்க்குரு உருவாகிறது. இது உங்களுக்கு அரிப்பை ஏற்படுத்தும். குறிப்பாக இந்த வியர்க்குருவால் குழந்தைகள் பாதிப்படைகின்றனர்.
இந்த வியர்க்குரு உங்களுக்கு அசெளகரியத்தை ஏற்படுத்துமே தவிர வேறு எந்த பிரச்சினைகளையும் ஏற்படுத்தாது. சரி வாங்க இந்த வியர்க்குரு பிரச்சினையை எப்படி வீட்டில் இருக்கும் பொருட்களைக் கொண்டே சமாளிப்பது என பார்ப்போம்.
பொதுவாக மக்கள் வியர்க்குருவை போக்க குளிர்ச்சியான பொருளை நாடுகின்றனர். நீங்கள் வியர்க்குருவை அதிகமாக சொறியும் போது அது சரும தொற்று நோய்க்கு வழி வகுக்கும்.
குளிர்ந்த குளியல்
கோடை கால வியர்க்குருவை குறைக்க குளிர்ந்த குளியலை நாம் மேற்கொள்ளலாம். குளிர்ந்த நீரில் குளிப்பது உங்களுக்கு நல்ல ரிலாக்ஸ்யை கொடுக்கும். மெதுவாக உங்க சருமத்தை நீரைக் கொண்டு கழுவுவது சரும துளைகளிலுள்ள அடைப்பை போக்க உதவுகிறது. ஏனெனில் அடைப்பட்ட சரும துளைகள் தான் உங்களுக்கு உங்களுக்கு வியர்க்குருவை உண்டாக்கும். அதே மாதிரி குளித்த பிறகு உங்க சருமத்தை நன்றாக உலர்த்த வேண்டும். ஈரத்துடன் சருமத்தை விடுவது உங்களுக்கு அரிப்பை அதிகப்படுத்த வாய்ப்பு உள்ளது. எனவே துண்டைக் கொண்டு நன்றாக துடையுங்கள்.
பேன்ஸ் அல்லது ஏர் கண்டிஷனர் பயன்படுத்துங்கள்
உங்க சருமத்தில் உள்ள வியர்க்குரு போக அதிகப்படியான வியர்வையை சமாளிக்க கோடை காலத்தில் காற்றாடிகளை நீங்கள் பயன்படுத்தலாம். வீட்டில் ஏர் கண்டிஷனர் இருந்தால் உங்க உடம்பு குளிர்ச்சி அடைய உதவி செய்யும். கோடையில் குளிரூட்டப்பட்ட அறையில் தங்குவது உங்களுக்கு அதிகப்படியான வியர்வை வியர்க்குரு ஏற்படுவதை தடுக்கிறது.
லேசான, ஈரப்பதத்தை உறிஞ்சும் ஆடைகளை பயன்படுத்துங்கள்
நீங்கள் கோடை காலத்தில் நைலான் போன்ற செயற்கை இழைகளால் ஆன ஆடைகளை அணிவது உங்க உடம்பு சூட்டை மேலும் அதிகரிக்கும். இந்த துணிகள் உங்க வியர்வையை உறிஞ்சவும் உறிஞ்சாது. எனவே அதிக வியர்வையை உண்டாக்கும் ஆடைகளை அணிவதை தவிருங்கள். நல்ல காற்றோட்டமான பருத்தி துணியால் ஆன ஆடைகளை அணியலாம் . ஆனால் பருத்தி துணி வியர்வையை உறிஞ்சாது எனவே நீங்கள் உடற்பயிற்சி செய்யும் போது பாலியஸ்டர்கள் மற்றும் பிற செயற்கை இழைகளால் ஆன ஆடைகளை அணியுங்கள். அது உங்க வியர்வையை உறிஞ்ச உதவி செய்யும்.
ஐஸ் கட்டிகள் ஒத்தடம்
எரிச்சல் ஏற்படும் சருமத்தை சமாளிக்க ஐஸ் கட்டிகளைக் கொண்டு ஒத்தடம் செய்து வரலாம். ஒரு துணியில் ஐஸ் கட்டிகளைக் கட்டிக் கொண்டு வியர்க்குரு மற்றும் சரும அரிப்பு உள்ள இடங்களில் ஒத்தடம் கொடுக்கலாம்.
ஓட்ஸ் மீல் குளியல்
ஓட்ஸ் மீல் உங்களுக்கு அரிப்பு மற்றும் அழற்சியை குறைக்க பயன்படுகிறது. இது சரும பிரச்சனைகளை போக்கவும், வியர்க்குருவை குறைக்கவும் உதவுகிறது.
1 அல்லது 2 கப் ஓட்ஸ் மீலை வெதுவெதுப்பான குளிக்கும் நீரில் போட்டு உங்க சருமத்தை அதில் ஊற வைக்கலாம். குளிக்கின்ற நீர் அதிக சூடாக இருக்க வேண்டாம். ஏனெனில் அது மேலும் அரிப்பை ஏற்படுத்தும்.
1 பங்கு ஓட்ஸ் மீலுடன் 1 பங்கு தண்ணீர் சேர்த்து கொள்ளுங்கள். அதை கலந்து பேஸ்ட்டாக்கி அரிப்பு உள்ள சருமத்தில் தடவி வரலாம்.
ஆன்டி ஹிஸ்டமைன்கள்
சரும அரிப்பு மற்றும் வியர்க்குருவை போக்க ஆன்டி ஹிஸ்டமைன் மருந்துகள் மற்றும் களிம்புகள் உதவுகின்றன. வாய்வழி ஆன்டி ஹிஸ்டமைன் மருந்துகளை எடுத்துக் கொள்ளும் போது மருத்துவரின் பரிந்துரை பேரில் மட்டுமே எடுக்க வேண்டும். ஒரு வேளை குழந்தைகளுக்கு கொடுக்கிறீர்கள் என்றால் குழந்தைகள் நல மருத்துவரிடம் அணுகிய பிறகே கொடுக்க வேண்டும்.
சந்தனம்
சந்தனம் அழற்சி எதிர்ப்பு பொருள் மற்றும் வலி நிவாரணி மூலமாகும். அதாவது அது வலியை குறைக்க உதவுகிறது. சந்தன தூளை தண்ணீரில் கலந்து சருமத்தில் தடவி வரலாம். இது வியர்க்குருவை குறைக்கும். சரும எரிச்சலை குறைக்கும்.
2 பங்கு சந்தனப் பொடி அதில் 1 பங்கு தண்ணீர் சேர்த்து பேஸ்ட்டாக்கி உடம்பில் வியர்க்குரு உள்ள இடத்தில் பூசுங்கள். வியர்க்குரு சருமத்தில் அப்ளே செய்வதற்கு முன்பு சிறுதளவு எடுத்து ஒத்துக் கொள்கிறதா என பார்த்துக் கொள்ளுங்கள். 1 மணி நேரத்திற்கு பிறகு உங்களுக்கு எந்த பிரச்சினையும் ஏற்படவில்லை என்றால் மட்டுமே மேற்கொண்டு பயன்படுத்துங்கள்
பேக்கிங் சோடா
நம் சமையலறையில் பயன்படுத்தும் பேக்கிங் சோடா அரிப்பு மற்றும் சரும பிரச்சனைகள் போன்றவற்றை போக்க பயன்படுகிறது. 3 முதல் 5 தேக்கரண்டி பேக்கிங் சோடாவை குளிக்கின்ற பாத் டப்பில் சேர்த்து சுமார் 20 நிமிடங்கள் ஊற வைக்கவும்.
கற்றாழை ஜெல்
கற்றாழை ஜெல் இயற்கையாகவே குளிர்ச்சியான தன்மையை அளிக்க கூடியது. இது ஒரு அழற்சி எதிர்ப்பு மற்றும் கிருமி நாசினியாக செயல்படுகிறது. இது சரும தொற்றுநோயை தடுக்க உதவுகிறது. சரும வீக்கம், அழற்சி மற்றும் சொறி போன்றவற்றை குறைக்கும். எனவே கற்றாழையில் சதைப்பற்றான ஜெல்லை எடுத்து அப்ளே செய்து வரலாம்.
வாசனை இல்லாத டால்கம் பவுடர்
டால்கம் பவுடர் அதிகப்படியான வியர்வையை உறிஞ்ச உதவுகிறது. இது உங்க சரும துளைகள் அடைப்பை தடுக்கிறது. ஆனால் டால்கம் பவுடர் பயன்படுத்தும் போது நறுமணம் இல்லாமல் வாங்கிக் கொள்ளுங்கள். ஏனெனில் நறுமணம் உள்ள டால்கம் பவுடர் உங்களுக்கு அரிப்பை உண்டாக்க வாய்ப்பு உள்ளது. அதிகம் வியர்க்கும் இடங்களான அக்குள், முழங்கால்களுக்கு பின்புறம், தொடைக்கு உட்புறம் போன்றவற்றில் டால்கம் பவுடர் போடுங்கள். இது சரும அரிப்பை போக்க உதவுகிறது.
வேப்பிலை
வேப்பிலை ஒரு மருத்துவம் குணம் வாய்ந்த மரமாகும். வேப்பிலை பல சரும பிரச்சனைகளை களையும் ஆற்றல் கொண்டது. இதன் ஆன்டி மைக்ரோபியல், அழற்சி எதிர்ப்பு பண்புகள் வியர்க்குரு, பருக்கள் மற்றும் சரும வடுக்களை போக்கும்.
வேப்பிலையுடன் தண்ணீர் சேர்த்து பேஸ்ட்டாக்கி சரும அரிப்பு உள்ள இடத்தில் தடவிக் கொள்ளுங்கள். சில நிமிடங்கள் கழித்து அதை கழுவி விடுங்கள். வேண்டுமானால் குளிக்கின்ற வெதுவெதுப்பான நீரில் கூட வேப்பிலை இலைகளை நீங்கள் சேர்த்துக் கொள்ளலாம்.
