தாளிப்பு பொருள்களை சுத்திகரித்து பக்குவமாக பதப்படுத்தி வைக்கும் முறை

பசு மஞ்சளை மொத்தமாக வாங்கி சுத்தமாக கழுவி சிறு சிறு துண்டுகளாக நறுக்கி வெயிலில் காயவிடவும். நன்றாக ஈரமில்லாமல் உலர்ந்ததும் இதை ஒரு பாத்திரத்தில் சேகரித்துவைக்கவும். எப்போது தேவைப்படுகிறதோ அப்போது மிக்ஸியில் போட்டு பொடித்து எடுக்கவும். இதை சலித்து பயன்படுத்தலாம். பசு மஞ்சள் கிடைக்கவில்லையென்றால் விரலி மஞ்சளையும் வாங்கி அரைக்கலாம்.

​இதர பொருள்கள்

அஞ்சறை பெட்டியில் இருக்கும் பொருளில் வெந்தயம், க,பருப்பு, உ.பருப்பு, சோம்பு போன்றவையும் அடக்கம். இவற்றின் மேலும் தூசுக்கள் படிந்து இருக்க வாய்ப்புள்ளது. அதோடு பருப்பு வகைகளை நாம் நீரில் கழுவி சாம்பாராக வைப்போம். ஆனால் தாளிக்கும் போது அப்படியே தாளித்து விடுகிறோம். ஆனால் தாளிப்பு பொருள்களுக்கு தேவையான பருப்பையும், வெந்தயம், சோம்பு, போன்றவற்றையும் நீரில் அலசி வெயிலில் காயவைத்து பயன்படுத்த வேண்டும். பருப்புகளை அதிக நேரம் நீரில் வைத்தால் அவை மரத்த நிலையை அடைந்துவிடும். இலேசாக நீர் விட்டு உடனே கழுவி காயவைத்து பயன்படுத்த வேண்டும்.

இப்படி சுத்தம் செய்து பயன்படுத்தும் போது பூச்சிகள் வராமல் இருக்கும் ஆரோக்கியமும் நிறைவாக கிடைக்கும். அஞ்சறை பெட்டியில் இருக்கும் பொருள்கள் எல்லாமே அருமருந்து என்று சொல்லும் நிலையில் அதையும் சுத்திகரித்து பயன்படுத்துவதுதான் சிறந்த ஆரோக்கியமாக இருக்கும்.