உங்க தலைமுடி வறண்டு தேங்காய் நார் போல் இருக்கா? அப்ப வீட்டிலேயே இந்த கெரட்டின் ஹேர் மாஸ்க்கை போடுங்க..

தற்போதைய நவீன வாழ்க்கை முறையுடன் மாசடைந்த சுற்றுச்சூழல் வெளிப்பாடும், கெமிக்கல் பொருட்களின் அதிகப்படியான உபயோகத்தினாலும் தலைமுடியின் ஆரோக்கியம் சரிந்து வருகிறது. பொதுவாக நமது தலைமுடியானது 100% கெரட்டினால் ஆனது. கெரட்டின் என்பது ஒரு புரோட்டீனாகும். இந்த கெரட்டின் தலைமுடியில் 65% முதல் 95% வரை உள்ளது. இந்த கெரட்டின் அளவு தலைமுடியில் குறையும் போது தான் தலைமுடி பொலிவையும், மென்மைத்தன்மையையும் இழந்து பலவீனமாகவும், தேங்காய் நார் போன்றும் மாறுகிறது.

இந்நிலையில் தற்போது அழகு நிலையங்களில் தலைமுடியின் மென்மைத்தன்மையையும், பொலிவையும் மேம்படுத்த கெரட்டின் சிகிச்சை மேற்கொள்ளப்படுகிறது. இந்த சிகிச்சையில் முடியின் சேதத்தைச் சரிசெய்யவும், முடி உடைவதைத் தடுக்கவும், முடி வறட்சியைக் குறைக்கவும், முடிக்கு அதிகப் பொலிவை அளிக்கவும் கெரட்டின் தலைமுடியின் மீது பூசப்படுகிறது.

ஆனால் சிலர் கெரட்டின் சிகிச்சைகள் முடி வளர்ச்சியை அதிகரிக்கும் என்று சிலர் கூறினாலும், இவை முக்கியமாக முடியின் தோற்றத்தை மேம்படுத்தவும், முடியை எளிதாகக் கையாளும் வகையில் மாற்றவும் வடிவமைக்கப்பட்டுள்ளன. எனவே நீங்கள் உங்களின் தலைமுடியின் வளர்ச்சியை ஊக்குவிக்க நினைத்தால், சமச்சீரான உணவு முறை, மன அழுத்த மேலாண்மை மற்றும் சரியான தலைமுடி பராமரிப்பு பொருட்களை வாங்கி பயன்படுத்துவது போன்றவற்றில் கவனம் செலுத்தி வந்தால், நல்ல பலனைப் பெறலாம்.

கூடுதலாக இவற்றுடன் கெரட்டின் சிகிச்சையை மேற்கொண்டால் தலைமுடி மென்மையாக இருக்கும். ஆனால் இந்த கெரட்டின் சிகிச்சையை அழகு நிலைகளுக்கு சென்று ஆயிரக்கணக்கில் பணத்தை செலவழித்து தான் செய்ய வேண்டும் என்பதில்லை. வீட்டில் உள்ள ஒருசில பொருட்களைக் கொண்டே கெரட்டின் ஹேர் மாஸ்க்கை தயாரித்து தலைமுடிக்கு பயன்படுத்தலாம். இப்போது அந்த நேச்சுரல் கெரட்டின் ஹேர் மாஸ்க்கை எப்படி தயாரித்து பயன்படுத்துவது என்பது குறித்து காண்போம்.

தேவையான பொருட்கள்:
* நன்கு கனிந்த வாழைப்பழம்
* கற்றாழை ஜெல் – 2 டீஸ்பூன்
* தயிர் – 1 டீஸ்பூன்
* தேன் – 1 டீஸ்பூன்
* தேங்காய் எண்ணெய் – 1 டீஸ்பூன்
* வைட்டமின் ஈ கேப்ஸ்யூல் – 1

பயன்படுத்தும் முறை:
* முதலில் ஒரு கிண்ணத்தில் வாழைப்பழத்தை நன்கு மசித்து எடுத்துக் கொள்ள வேண்டும்.
* பின் அத்துடன் கற்றாழை ஜெல், தயிர்ட, தேன், தேங்காய் எண்ணெய், வைட்டமின் ஈ கேப்ஸ்யூல் எண்ணெயை சேர்த்து நன்கு கலந்து கொள்ள வேண்டும்.
* பின்பு அதை தலைமுடியில் சமமாக தடவி, 30-40 நிமிடங்கள் ஊற வைக்க வேண்டும்.
* பிறகு மைல்டு ஷாம்பு பயன்படுத்தி தலைமுடியை அலச வேண்டும்.
* இந்த ஹேர் மாஸ்க் தலைமுடியை ஆழமாக கட்டுப்படுத்தி, முடியில் கெரட்டின் அளவை அதிகரிக்கிறது.
* இந்த நேச்சுரல் கெரட்டின் ஹேர் மாஸ்க்கை வாரத்திற்கு ஒருமுறை பயன்படுத்தலாம். நேச்சுரல் கெரட்டின் சிகிச்சையின் நன்மைகள் இந்த நேச்சுரல் கெரட்டின் சிகிச்சையானது தலைமுடிக்கு பல நன்மைகளை வழங்குகிறது.

நேச்சுரல் கெரட்டின் சிகிச்சையின் நன்மைகள்

இந்த நேச்சுரல் கெரட்டின் சிகிச்சையானது தலைமுடிக்கு பல நன்மைகளை வழங்குகிறது.
* தலைமுடி பட்டுப்போன்று மென்மையாக மாறும்.
* முடி வறட்சி குறையும்.
* வேர்க்கால்களில் இருந்து தலைமுடி வலுவடையும் மற்றும் முடி உடைவது குறையும்.
* தலைமுடியை அழகாகவும், பளபளப்பாகவும் வைத்துக் கொள்ள உதவும்.
* தலைமுடி ஸ்டைல் செய்ய ஈஸியாக இருக்கும்.
* ஸ்கால்ப்பிற்கு நல்ல ஊட்டத்தை அளித்து, முடியின் வளர்ச்சிக்கு ஏற்ற ஆரோக்கியமான சூழலை உருவாக்கும்.