அக்குள் பகுதியில் உள்ள முடிகளை ஷேவ் செய்யும்போது மனதில் வைத்துக் கொள்ள வேண்டிய 5 விஷயங்கள் இதுதான்… பெண்களே உஷாரா இருங்க…
சருமப் பராமரிப்பில் மிக முக்கியமான ஒன்று ஸ்கின் எக்ஸ்ஃபோலியேட். அதாவது சருமத்திலுள்ள இறந்த செல்களை நீக்குவது. அதில் நாம் பெரும்பாலும் அந்தரங்கப் பகுதிகயில் எக்ஸ்ஃபோலியேட் செய்வதே இல்லை. அதிலும் குறிப்பாக அக்குள் பகுதியில் அதிக கருமையாக இருக்க அதிகப்படியான வியர்வை தேங்குவதும் முடிகளை நீக்காமலே இருப்பது தான் காரணம்.
இறந்த செல்களை நீக்குதல்
அக்குள் பகுதியின் தோல் சருமத்தின் மற்ற பகுதிகளைக் காட்டிலும் சற்று கடினமானதாக இருக்கும். இதற்கு முக்கியக் காரணமே அந்த பகுதியில் வியர்வை தேங்கி தேங்கி இறந்த செல்கள் படிந்து விடும் இந்த இறந்த செல்களைக் கட்டாயம் நீக்க வேண்டும்.
அப்படி அக்குள் பகுதியில் உள்ள இறந்த செல்களை எக்ஸ்ஃபேலியேட் செய்ய வேண்டுமென்றால் முதலில் அக்குள் பகுதி முடியை ஷேவ் செய்ய வேண்டியது அவசியம்.
ரேஸர் பயன்படுத்துதல்
ஆண்கள் பொதுவாக ஷேவ் செய்யும்போது செய்கிற வழக்கமான தவறை தான் பெண்களும் தங்களுடைய அக்குளை ஷேவ் செய்யும்போது செய்கிறார்கள். அதாவது ஒரே ரேஸரை மீண்டும் மீண்டும் பயன்படுத்துவது.
ஏனெனில் எவ்வளவு தான் சுத்தம் செய்தாலும் அந்த ரேஸரில் பாக்டீரியாக்கள் தேங்கி இருக்கும். அதனால் பூஞ்சை தொற்றுக்கள் பரவும் வாய்ப்பு அதிகம்.
அடிக்கடி ஷேவ் செய்வது
சில பெண்கள் மெல்லியதாக பூனை முடி போல அக்குளில் வளர்ந்து விட்டாலே உடனே ஷேவ் செய்து விடுவார்கள். இப்படி அடிக்கடி ஷேவ் செய்வது சருமத்தை இன்னும் கொஞ்சம் கடினமானதாக மாற்றும். அடுத்தடுத்து வளரும் முடிகள் அதிக திக்காக வளரும்.
அதோடு முடிகள் என்பவை நம்முடைய சருமத்தைப் பாதுகாக்கும் கவனமாகவும் செயல்படும் என்பதை மனதில் வைத்துக் கொள்ளுங்கள். அதை அடிக்க ஷேவ் செய்வதையும் தவிர்க்க வேண்டும்.
ஷேவிங் க்ரீம்கள்
சிலர் அக்குள் பகுதியில் உள்ள முடிகளை நீக்குவதற்கு பலரும் வெறும் சோப்பு அல்லது தண்ணீரை மட்டும் தெளித்து எந்த க்ரீம்களும் பயன்படுத்தாமல் ஷேவ் செய்வார்கள். அப்படி செய்வது மிகவும் தவறான ஒன்று.
ஷேவிங் க்ரீம்கள் எதுவும் பயன்படுத்தாமல் அக்குளை ஷேவ் செய்யும் இன்னும் அதிகமாக சருமத்தை வறட்சியடையச் செய்யும்.
காயம் படும்படி செய்வது
சிலர் அக்குள் பகுதியைச் ஷேவ் செய்யும்போது கைகளை கொஞ்சம் விரைப்பாக வைத்திருக்காமல் மிகவும் தளர்வாக வைத்துக் கொள்வார்கள்.
அப்படி விரைப்பாக வைக்காமல் தளர்வாக வைக்கும்போது ரேஸர் பட்டு காயங்கள் ஏற்படும் வாய்ப்பு அதிகம். அதனால் சரியான நிலையில் கைகளை வைத்தபடி ஷேவ் செய்ய வேண்டும்.
