முகத்திலுள்ள பூனை முடிகளையும் நீக்கும் 6 அற்புத ஸ்கிரப்புகள்… எல்லாமே நேச்சுரல்… பக்கவிளைவு இருக்காது…
சருமப் பராமரிப்பில் மிக முக்கியமானது சருமத்தை எக்ஸ்ஃபோலியேட் செய்வது. அதாவது சருமத்தில் உள்ள இறந்த செல்களை நீக்கி சருமத்தில் புதிய செல்கள் உருவாகவும் ரத்த ஓட்டத்தை அதிகரிக்கச் செய்யவும் உதவி செய்யும். இதற்காக நாம் பயன்படுத்துவது தான் ஸ்கிரப். இந்த ஸ்கிரப் வெறும் இறந்த செல்களை மட்டும் நீக்குவதோடு முகத்திலுள்ள சிறு சிறு முடிகளையும் சேர்த்து நீக்கினால் எவ்வளவு நன்றாக இருக்கும்? அப்படிப்பட்ட சில ஸ்கிரப்களை பற்றி தான் இங்கே பார்க்கப் போகிறோம்.
ஸ்கிரப்களை வாரத்தில் இரண்டு நாட்களுக்கு மேல் பயன்படுத்த வேண்டாம். அது சருமத்தில் அதிக அழுத்தத்தையும் கீறல்களையும் ஏற்படுத்தும். வாரத்தில் இரண்டு முறை இயற்கையான பொருள்களைப் பயன்படுத்தி ஸ்கிரப் செய்து பயன்படுத்தும் போது சருமத்திலுள்ள இறந்த செல்கள் மற்றும் முகத்திலுள்ள சிறு சிறு முடிகளை நீக்கி முகத்தை பொலிவாகவும் டேன் இல்லாமலும் வைத்துக் கொள்ள முடியும்.
கற்றாழை – பிரௌன் சுகர் ஸ்கிரப்
தேவையான பொருள்கள்
கற்றாழை ஜெல் – 2 ஸ்பூன்,
பிரௌன் சுகர் – 2 ஸ்பூன்
பயன்படுத்தும் முறை
ஒரு பௌலில் கற்றாழை ஜெல்லையும் அதில் பிரௌன் சுகரையும் சேர்த்து நன்கு கலந்து கொள்ளுங்கள்.
இதை அப்ளை செய்வதற்கு முன்பு முகத்தை சுத்தமாகக் கழுவிக் கொள்ளுங்கள். பின்பு முகத்தில் இந்த ஸ்கிரப்பை அப்ளை செய்து மென்மையாக விரல்களால் வட்ட வடிவில் மசாஜ் செய்யுங்கள்.
அழுத்தித் தேய்க்காமல் மென்மையாக பத்து நிமிடங்கள் மசாஜ் செய்து பின் முகத்தை குளிர்ந்த நீரால் கழுவுங்கள்.
உப்பு – ஆலிவ் ஆயில் ஸ்கிரப்
தேவையான பொருள்கள்
கடல் உப்பு – 2 ஸ்பூன்,
ஆலிவ் ஆயில் – 2 ஸ்பூன்
பயன்படுத்தும் முறை
ஒரு பௌலில் ஆலிவ் ஆயில் சேர்த்து அதனுடன் கடல் உப்பை லேசாகப் பொடித்துச் சேர்த்துக் கொள்ளுங்கள். இப்போது ஸ்கிரப் ரெடி.
இதை முகத்தில் அப்ளை செய்வதற்கு முன்பு முகத்தை நன்றாகக் கழுவிக் கொள்ளுங்கள். அதன்பின் இதை முகத்தில் அப்ளை செய்து விரல்களால் வட்ட வடிவில் மென்மையாக மசாஜ் செய்து விடுங்கள்.
5 நிமிடங்கள் நன்கு மசாஜ் செய்தபிறகு முகத்தை வெதுவெதுப்பான நீரில் கழுவிக் கொள்ளுங்கள்.
தக்காளி – சர்க்கரை ஸ்கிரப்
தேவையான பொருள்கள்
தக்காளி – 1
சர்க்கரை – 1
பயன்படுத்தும் முறை
ஒரு தக்காளியை மிக்ஸஸியில் பிளண்டரில் சேர்த்து அரைத்துக் கொள்ளுங்கள். அதை ஒரு பௌலில் சேர்த்து அதோடு சர்க்கரை சேர்த்து கலந்து கொள்ளுங்கள்.
இந்த கலவையை முகத்தில் அப்ளை செய்து மென்மையாக விரல்களால் 10 நிமிடங்கள் வரை மசாஜ் செய்யுங்கள். அப்படி செய்வதன் மூலம் சருமத்திலுள்ள இறந்த செல்கள் நீங்குவதோடு முகத்திலுள்ள மென்மையான முடிகள் நீங்கும்.
இந்த கலவையை முகத்தில் 10 நிமிடங்கள் வரை வைத்திருந்து முகத்தை நன்றாகக் குளிர்ந்த நீரால் கழுவிக் கொள்ளுங்கள்.
பால் – பாதாம் ஸ்கிரப்
தேவையான பொருள்கள்
பாதாம் – 10
பால் – 4 ஸ்பூன்
தேன் – 1 ஸ்பூன்,
பயன்படுத்தும் முறை
பாதாம் பருப்புகளை வெந்நீரில் சேர்த்து 2 மணி நேரம் ஊற வைத்துவிடுங்கள்.
ஊற வைத்த பாதாம் பருப்பை பிளண்டரில் சேர்த்து பால் ஊற்றி கொஞ்சம் கொரகொரவென்று அரைத்து எடுத்துக் கொள்ளுங்கள்.
முகத்தைக் கழுவிவிட்டு இந்த பேஸ்ட்டை முகததில் அப்ளை செய்து விரல்களால் நன்கு மென்மையாக மசாஜ் செய்து விடுஙங்கள்.
10 நிமிடங்கள் மசாஜ் செய்த பின் குளிர்ந்த நீரால் முகத்தைக் கழுவிக் கொள்ளலாம்
பப்பாளி ஸ்கிரப்
தேவையான பொருள்கள்
பப்பாளி பழக் கூழ் – 2 ஸ்பூன்,
சர்க்கரை – ஒரு ஸ்பூன்,
பயன்படுத்தும் முறை
பப்பாளி பழத்தின் கூழுடன் சர்க்கரையைச் சேர்தது கலந்து முகத்தில் மென்மையாக அப்ளை செய்து விரல்களால் நன்கு மசாஜ செய்து விடுங்கள்.
பிறகு பத்து நிமிடங்கள் அப்படியே உலர விட்டு, பின் முகத்தைக் குளிர்ந்த நீரால் கழுவுங்கள்.
தயிர் – கடலைமாவு ஸ்கிரப்
தேவையான பொருள்கள்
கடலை மாவு – 2 ஸ்பூன்
தயிர் – 2 ஸ்பூன்
பயன்படுத்தும் முறை
ஒரு பௌலில் தயிரை எடுத்துக் கொண்டு அதில் கடலை மாவு சேர்த்து நன்கு கலந்து முகத்தில் அப்ளை செய்யுங்கள்.
பின்பு 20 நிமிடங்கள் அப்படியே விட்டுவிடுங்கள். கடலைமாவு காய்ந்து இறுகி முகத்தைப் பிடித்து இழுக்க ஆரம்பிக்கும். அதன்பின் மெதுவாக தண்ணீரை தொட்டு மென்மையாக மசாஜ் செய்து மெதுவாக குளிர்ந்த நீரில் கழுவி எடுங்கள். இந்த ஸ்கிரப் முகத்தில் இருக்கும் பூனை முடிகளைக் கூட நீக்கிவிடும்.
