சமையல் குறிப்புகள்புதியவை

ரமலான் ஸ்பெஷல்: கிளாசிக் பட்டர் சிக்கன்

தேவையான பொருட்கள்:

* எலும்பில்லாத சிக்கன் – 300 கிராம்

* தயிர் – 1/2 கப்

* இஞ்சி பூண்டு விழுது – 2 டீஸ்பூன்

* மஞ்சள் தூள் – 1/2 டீஸ்பூன்

* கரம் மசாலா – 1/2 டீஸ்பூன்

* காஷ்மீரி மிளகாய் தூள் – 1 டீஸ்பூன்

* உப்பு – 1 டீஸ்பூன்

பட்டர் சிக்கன் மசாலாவிற்கு…

* பட்டர் – 1 டேபிள் ஸ்பூன்

* மிளகாய் தூள் – 1 டீஸ்பூன்

* மல்லித் தூள் – 1 டீஸ்பூன்

* கரம் மசாலா – 1/2 டீஸ்பூன்

* அரைத்த தக்காளி விழுது – 1 கப்

* தேன் – 1 டீஸ்பூன்

* பிரஷ் க்ரீம் – 1/4 கப்

* உலர்ந்த வெந்தயக் கீரை – 1 டேபிள் ஸ்பூன்

* உப்பு – சுவைக்கேற்ப

செய்முறை:

* முதலில் சிக்கனை நீரில் நன்கு கழுவிக் கொள்ள வேண்டும்.

* பின்னர் பௌலில் சிக்கனைப் போட்டு, அத்துடன் தயிர், கரம் மசாலா, இஞ்சி பூண்டு விழுது, உப்பு, மிளகாய் தூள், மஞ்சள் தூள் சேர்த்து நன்கு பிசைந்து குறைந்தது ஒரு மணிநேரம் ஊற வைத்துக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், ஊற வைத்துள்ள சிக்கன் துண்டுகளைப் போட்டு, சிக்கனை 4 நிமிடம் நன்கு வேக வைக்க வேண்டும்.

* பின் அதே வாணலியில் அரைத்த தக்காளி விழுது, உப்பு, மல்லித் தூள், மிளகாய் தூள், கரம் மசாலா சேர்த்து பிரட்டி, மூடி வைத்து, சிக்கனை 5 நிமிடம் வேக வைக்க வேண்டும்.

* இறுதியாக அதன் மேல் பிரஷ் க்ரீம், தேன் மற்றும் உங்களுக்கு தேவையான அளவு நீரை ஊற்றி, குறைவான தீயில் சிக்கன் முற்றிலும் வேகும் வரை வேக வைக்க வேண்டும்.

* சிக்கன் நன்கு வெந்ததும், அதில் உலர்ந்த வெந்தய கீரை சேர்த்து கிளறி இறக்கினால், சுவையான கிளாசிக் இந்தியன் பட்டர் சிக்கன் தயார்.

Related Articles

Close