நாலே வாரத்தில் நச்சுன்னு முடி வளரணுமா, இந்த இரண்டு பொருள் போதும், நீங்களே அசந்துடுவீங்க!

முடி வளர்ச்சி வேகமாகவும் இருக்கும். முடி மென்மையாகவும் இருக்கும் என்றூ சொல்லும் பல பராமரிப்புகளை செய்து சோர்ந்து போனவர்களுக்கு இந்த குறிப்பு நிச்சயம் உதவும்.

முடி உதிர்தல் வேகமாக இருக்கலாம். ஆனால் முடி வளர்ச்சி வேகமாக என்றீல்லை. ஆனால் பொறுமையாக கூட வளர்வதில்லை என்று அங்கலாய்த்து கொள்பவர்களுக்காகத்தான் இந்த கட்டுரை.

1 டீஸ்பூன் நெல்லியும் 3 டீஸ்பூன் தேங்காயெண்ணெயும் நாலுவாரத்தில் நச்சென்று கூந்தலை வளர்த்துவிடும். கேட்க ஆச்சரியமாக இருக்கலாம். செய்து பாருங்கள் நிச்சயம் நீங்களே அசந்துவிடுவீர்கள். எப்படி பயன்படுத்துவது என்று பார்க்கலாம்.

​பொலிவில்லாத கூந்தல்

முடி வளர்ச்சி இல்லை. வறட்சியான முடியாக பொலிவில்லாமல் இருக்கு என்பவர்கள் இது குறித்து கவலைப்பட தேவையில்லாத ஒரு பராமரிப்பு உண்டு. அதுவும் எளிதான இந்த பராமரிப்பு நிச்சயம் உங்களுக்கு உதவியாக இருக்கும். அதோடு இவை சிறப்பாக பலன் தரக்கூடியதும் கூட.

இந்த கலவை நான்கே வாரங்களில் உங்கள் தலைமுடியின் நிறத்தை மாற்றிவிடக்கூடும். வறண்டு பறந்த கூந்தலால் எந்தவிதமான அலங்காரமும் செய்து கொள்ள முடியாத நிலையில் நான்கு வாரங்கள் இதை செய்து வந்தால் விரும்பியபடி உங்கள் கூந்தல் ஸ்டைலை மாற்றிகொள்ளலாம். இது உங்கள் கூந்தலை அடர்த்தியான மற்றும் மென்மையான கூந்தலாக மாற்றம் செய்யகூடும்.

​நெல்லிப்பொடியும் தேங்காய் எண்ணெயும்

நெல்லிப்பொடியை வீட்டிலேயே தயாரிக்கும் முறை குறித்து ஏற்கனவே பார்த்திருக்கிறோம். நெல்லி கூந்தலுக்கு செய்யும் அற்புதமான நன்மைகள் குறித்தும் பார்த்திருக்கிறோம்.

நெல்லிக்காய் கூந்தலுக்கு இளநரை வராமல் தடுக்கிறது, கூந்தலின் கருமை நிறத்தை பாதுகாக்க செய்கிறது, கருமையான கூந்தலுக்கு உதவுகிறது.

கூந்தல் பராமரிக்கு பலவிதமான எண்ணெய்களை பராமரிக்க பயன்படுத்துகிறோம். ஆனால் இவை எல்லாவற்றையும் விட சிறந்தது சுத்தமான தேங்காயெண்ணெய். தேங்காயெண்ணெயை வீட்டில் தயாரிக்கும் முறை குறித்து ஏற்கனவே பார்த்திருக்கிறோம். உங்களால் இயன்றால் கூந்தலுக்கு வீட்டிலேயே எண்ணெய் தயாரித்து பயன்படுத்துங்கள்.

​நெல்லிப்பொடி தேங்காயெண்ணெய் பேஸ்ட்

வீட்டில் நெல்லிப்பொடி தயாரிக்க முடியாவிட்டால் நாட்டு மருந்து கடைகளில் கிடைக்கும். இதை வாங்கி வைத்துகொள்ளுங்கள்.

தேவை

நெல்லிப்பொடி – 1 டீஸ்பூன்

தேங்காயெண்ணெய் – 5 டீஸ்பூன் ( கூந்தலின் நீளத்துக்கேற்ப அதிகமாகவோ குறைவாகவோ எடுத்துக்கொள்ளலாம்)

அகலமான கிண்ணத்தில் தேங்காயெண்ணெயில் நெல்லிப்பொடியுடன் குழைத்துவிடவும். விரல்களை கொண்டு ஆழமாக கூந்தலில் தடவி இலேசாக மசாஜ் செய்யுங்கள்.

முதலில் முடியின் மயிர்க்கால்களில் ஆழம் வரை சென்று தடவி விடவும். பிறகு கூந்தல் முழுவதும் தடவி விடவும். எல்லா இடங்களிலும் விடாமல் தடவி கொள்ளுங்கள். பிறகு 30 நிமிடங்கள் வரை வைத்திருந்து கூந்தலை அலசி எடுங்கள்.

குறிப்பு

கூந்தலில் தடவுவதற்கு முன்பு கூந்தல் சுத்தமாக இருக்க வேண்டும். முன் தினம் தலைக்குளியலுக்கு பிறகு இதை செய்யுங்கள். நிச்சயம் பலன் கிடைக்கும்.

​எப்போது செய்ய வேண்டும்

நான்கு வாரங்களில் கூந்தலின் வளர்ச்சி தேவையாயிற்றே. அதனால் வாரத்தில் மூன்று முறையாவது இதை செய்ய வேண்டும். ஒவ்வொரு வாரமும் மூன்று நாட்கள் என்று திட்டமிட்டு அவசியம் கடைப்பிடிக்க வேண்டும்.

ஆரம்ப கட்டத்தில் தலைமுடி அழகாகவும் ஆரோக்கியமாகவும் இருக்கும். தொடர்ந்து ஒவ்வொரு வாரமும் 3 முறை என செய்து வரும் போது விரைவில் நீங்கள் மாற்றத்தை காணலாம்.ஒவ்வொரு முறை பயன்படுத்தும் போதும் முடிக்கும் வேண்டிய ஊட்டச்சத்து கிடைக்கும்.

​நெல்லிப்பொடியால் கூந்தல் பெறும் நன்மை

ஊட்டச்சத்து இல்லாததால் முடி உயிரற்றதாக இருக்கும். அதிலும் சரியான பராமரிப்பு இல்லாத போது அதன் நிறமும் மங்க தொடங்குகிறது. முடி அதன் இயற்கையான நிறத்தை இழந்து இலேசாக செம்பட்டை நிறத்தை அடைகிறது.

கூந்தலுக்கு நெல்லிப்பொடியை சரியான முறையில் பயன்படுத்தும் போது குந்தலுக்கு தேவையான ஊட்டச்சத்து குறைபாடு நீங்க கூடும். நெல்லிப்பொடி இயற்கையாகவே கூந்தலுக்கு நிறத்தை கொடுக்க கூடியது. நெல்லிப்பொடியில் வைட்டமின் சி, வைட்டமின் ஏ உள்ளது. இந்த வைட்டமின்கள் உங்கள் முடியின் வளர்ச்சிக்கு உதவுகிறது.

முடிக்கு ஹேர் டானிக் என்று நெல்லிப்பொடியை சொல்லலாம் இது இரும்புச்சத்து நிறைவாக கொண்டிருப்பதால் உச்சந்தலை சருமத்தை பாதுகாக்க செய்கிறது. மேலும் இதில் ஆக்ஸிஜன் மற்றும் இரத்த ஓட்டத்தை அதிகரிக்கவும் உதவுகிறது. தலைமுடிக்க் தேவையான அத்தியாவசிய ஊட்டச்சத்துக்களின் சரியான அளவை பராமரிக்க செய்கிறது.

​தேங்காயெண்ணெயால் கூந்தல் பெறும் நன்மை

தாவர எண்ணெய்கள் அத்தியாவசிய தாதுக்கள் கொண்டிருக்க கூடியவை. ஒமேகா 3 கொழுப்பு அமிலங்களுடன் அது உச்சந்தலை சருமத்தை காப்பதன் மூலம் அது தலை சருமத்தை வளர்க்க செய்கிறது.

அதே நேரம் உங்கள் தலைமுடியின் மேற்பரப்பில் இந்த தேங்காயெண்ணெய் பாதுகாப்பான மேல் அடுக்கை உருவாக்குவதால் சூரியனின் சேதத்திலிருந்து கூந்தல் பாதுகாக்கப்படுகிறது. சரியான முறையில் செய்து பாருங்க, கூந்தல் மிளிர்வதையும் வளர்வதையும் ஆச்சரியமா பார்ப்பீங்க.