ஆண்களுக்கு பிறப்புறுப்பு பகுதியில் ஏற்படும் கடுமையான நமைச்சலுக்குக் காரணம் என்ன? எப்படி சரி செய்வது…

சில சமயங்களில் பிறப்புறுப்பு பகுதியில் அரிப்பு ஏற்பட்டு படாத பாடு படுத்து விடும். ஆண்கள் இறுக்கமான உள்ளாடைகளை அணிவதாலும் பெண்களுக்கு மாதவிடாய் காலங்களில் இது போன்ற தொற்றுக்கள் அதிகம் ஏற்பட வாய்ப்பு உள்ளது. எனவே இது போன்ற தொற்றுக்களை சமாளிக்க என்ன செய்ய வேண்டும் எப்படி தடுப்பு நடவடிக்கைகள் மேற்கொள்ள வேண்டும் என்பதை நாம் காண்போம்.

சிலருக்கு பிறப்புறுப்பு பகுதியில் தீராத தொற்று ஏற்பட்டு கடுமையான அரிப்பை ஏற்படுத்தும். இதனால் அவர்களால் செளகரியமாக இருக்க முடியாது. சரியாக நடக்க முடியாது. இதை ஜாக் நமைச்சல் என்று கூறுவர். இரண்டு தொடைகளும் உரசி வேதனையை உண்டாக்கும். இந்த நமைச்சல் ஒரு வகை பூஞ்சை தொற்றால் உண்டாகிறது. இது ரிங்வார்மின் ஒரு வடிவம் ஆகும். இது டைனியா க்ரூரிஸ் என்றும் அழைக்கப்படுகிறது. நிறைய வியர்த்தவர்கள், அதிக எடை கொண்டவர்கள், அரிக்கும் தோலழற்சி உடையவர்கள் இந்த பிரச்சினையை சந்திக்கின்றனர்.

குறிப்பாக ஆண் விளையாட்டு வீரர்களுக்கு இது ஒரு பிரச்சினையாக இருக்கும். இந்த ஜாக் நமைச்சல் அறிகுறிகள் உங்கள் இடுப்பு, உள் தொடைகள் அல்லது ஆசனவாய் ஆகியவற்றில் காணப்படுகிறது.

​அறிகுறிகள்

அரிப்பு மற்றும் எரிச்சல்

சிவந்து போதல், செதில் செதிலாக தோல் உரிதல், வட்ட வடிவில் ரிங்வார்ம்

தோல் வெடிப்பு மற்றும் தோல் உரிதல் பிரச்சனை உண்டாதல்.

​ஜாக் நமைச்சல் ஏற்படக் காரணிகள்

சருமத்தை எரிச்சலூட்டும் இறுக்கமான ஆடைகளை அணிதல்.

இடுப்புப் பகுதி மற்றும் தொடை இடுக்குகளில் ஏற்படும் ஈரப்பதம்.

ஈரமான துணியை அதிக நேரம் அணிந்து இருத்தல்.

ஈரமான துண்டுகள், ஆடைகளை மற்றவருடன் பகிர்ந்து கொள்ளுதல்

தொற்று உடையவருடன் நெருங்கி பழகுதல்

அதிக எடை கொண்டு இருத்தல்

பலவீனமான நோயெதிர்ப்பு அமைப்பு

நீரிழிவு நோய் பிரச்சினைகள்

​ஜாக் நமைச்சல் நோய் கண்டறிதல்

உங்களுக்கு ஏற்பட்ட அறிகுறிகளை பொருத்து மருத்துவர் அதை கணிக்க முடியும். அரிதாகவே அவர் தோலின் மாதிரியை சேகரிப்பார்கள்.

நுண்ணோக்கியின் கீழ் அந்த மாதிரியை சேகரித்து பார்ப்பார்கள்.

​ஜாக் நமைச்சல் சிகிச்சைகள்

ஜாக் நமைச்சலுக்கு சிகிச்சை அளிக்கா விட்டால் அது பல மாதங்கள் நீடிக்க வாய்ப்பு உள்ளது. பூஞ்சை எதிர்ப்பு மருந்துகளை பயன்படுத்துவதன் மூலம் இதை சரி செய்ய முடியும். இந்த மருந்துகள் க்ரீம்கள், பொடிகள் மற்றும் ஸ்ப்ரேக்களில் கிடைக்கின்றன.

பிறப்புறுப்பு பகுதியை நன்றாக துடைத்து சுத்தமாக வைத்துக் கொள்ளுங்கள்.

​தடுப்பு நடவடிக்கைகள்

விளையாடி முடித்த பிறகோ அல்லது உடற்பயிற்சி செய்த பிறகோ தினமும் குளியுங்கள்.

உங்க பிறப்புறுப்பு பகுதியை சுத்தமான துண்டு கொண்டு துடைத்து எடுங்கள். மருத்துவர் பரிந்துரைத்த பூஞ்சை எதிர்ப்பு மருந்தை பயன்படுத்துங்கள்.

உங்க துண்டுகள் மற்றும் ஆடைகளை மற்றவரிடம் பகிர வேண்டாம்.

சுத்தமான ஆடைகளை மட்டுமே அணியுங்கள். ஒவ்வொரு நாள் உடற்பயிற்சி செய்த பிறகும் வொர்க் அவுட் ஆடைகள் மற்றும் விளையாட்டு சீருடைகளை சுத்தம் செய்ய மறக்காதீர்கள்.

ஒவ்வொரு நாளும் உங்க உள்ளாடைகளை மாற்றிக் கொள்ளுங்கள்.

விளையாட்டு வீரர்கள் தாங்கள் பயன்படுத்தும் கப்கள் சுத்தமாக இருக்கிறதா என்பதை உறுதிப்படுத்தி விட்டு பயன்படுத்துங்கள்.

இறுக்கமான ஆடைகள் மற்றும் உள்ளாடைகளை பயன்படுத்த வேண்டாம். அவை உங்க தோலில் நமைச்சலை உண்டாக்க வாய்ப்பு உள்ளது.