சிம்பிளான… பன்னீர் மசாலா
தேவையான பொருட்கள்:
* பன்னீர் – 200 கிராம் (துண்டுகளாக்கிக் கொள்ளவும்)
* எண்ணெய் – 3 டேபிள் ஸ்பூன்
* பட்டை – 1 துண்டு
* கிராம்பு – 2
* ஏலக்காய் – 2
* பிரியாணி இலை – 1
* சீரகம் – 1 டீஸ்பூன்
* பெரிய வெங்காயம் – 2 (மிகவும் பொடியாக நறுக்கியது)
* இஞ்சி பூண்டு பேஸ்ட் – 1 டேபிள் ஸ்பூன்
* மஞ்சள் தூள் – 1/4 டீஸ்பூன்
* கரம் மசாலா – 1 டீஸ்பூன்
* மல்லி தூள் – 2 டீஸ்பூன்
* மிளகாய் தூள் – 2 டீஸ்பூன்
* பெரிய தக்காளி – 2 (பொடியாக நறுக்கியது)
* தயிர் – 2 டேபிள் ஸ்பூன்
* தண்ணீர் – 1/2 கப்
* உப்பு – தேவையான அளவு
செய்முறை:
* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, ஏலக்காய், பிரியாணி இலை, சீரகம் சேர்த்து தாளித்துக் கொள்ள வேண்டும்.
* பின் அதில் வெங்காயம் மற்றும் இஞ்சி பூண்டு பேஸ்ட் சேர்த்து, வெங்காயம் மென்மையாகும் வரை வதக்கவும்.
* பிறகு அதில் மஞ்சள் தூள், கரம் மசாலா, மல்லித் தூள், மிளகாய் தூள் சேர்த்து ஒருமுறை கிளறி, பின் தக்காளி சேர்த்து கிளறி, வேண்டுமானால் சிறிது நீர் தெளித்து, மூடி வைத்து 7-8 நிமிடம் வேக வைக்கவும்.
* தக்காளி நன்கு மென்மையாக வெந்ததும், அதில் தயிர் சேர்த்து கிளறி, கிரேவி அதிகம் வேண்டுமானால் 1/2 கப் நீரையும் சேர்த்து, சுவைப்கேற்ப உப்பு தூவி கிளறிவிட்டு வேக வைக்கவும்.
* இறுதியில் பன்னீர் துண்டுகளைப் போட்டு, 4-5 நிமிடம் வேக வைத்து இறக்கினால், சுவையான பன்னீர் மசாலா ரெடி!
