அழகு..அழகு..புதியவை

நரைமுடி போக்கும் வீட்டு ஹேர் டை: முடி கருப்பா மாற கொஞ்சம் மெனக்கெடுங்க, எல்லா வயதினரும் செய்யலாம்!

இயற்கை ஹேர் டை என்பது இயற்கையில் கிடைக்கும் பொருள்களை கொண்டு தயாரிப்பது. ஆனால் சற்று அதிகமாக மெனக்கெட வேண்டும். இன்று ஐந்து வயது ஆண் பிள்ளைகள் கூட இளநரையை கொண்டிருக்கிறார்கள். பாதிப்பில்லாமல் இதை போக்க என்ன செய்யலாம் , என்ன மாதிரியான ஹேர் டை போடலாம் என்று பார்க்கலாம்.

இளமையாக இருக்க வேண்டும் என்று சருமத்தை மட்டும் பாதுகாத்தால் போதாது. இளமையை கூந்தலின் நிறத்தை கொண்டும் கணக்கிடுவார்கள். அதனால் தான் நடுத்தர வயதில் இருப்பவர்களின் கூந்தல் கருமையாக இருந்தாலும் உங்களுக்கு வயதான தோற்றமே தெரியலியே என்று ஆச்ச்சரியத்தோடு சொல்கிறோம்.

நரை முடி பிரச்சனை வழுக்கை பிரச்சனையை காட்டிலும் மோசமானது. கூந்தல் உதிர்வு, கூந்தல் மெலிவு, நுனி பிளவு போன்ற பிரச்சனைகளை இயல்பாக கடந்துவிடுபவர்கள் கூட நரைமுடி வந்தால் அதிகமான பாதிப்பை பெற்றுவிடுகிறார்கள்.

இந்த நரைமுடியை போக்க இயற்கை ஹேர் டை உண்டு என்றாலும் சற்று மெனக்கெட்டால் மட்டுமே கருமையான நிறத்தை பெறமுடியும். அப்படியான ஒன்றை குறித்து பார்க்கலாம்.

​நரைமுடிக்கு ஹேர் டை

தேவை

கறிவேப்பிலை – ஒரு கைப்பிடி

செம்பருத்தி இலை – ஒரு கைப்பிடி

அவுரி இலை – ஒரு கைப்பிடி

செம்பருத்தி பூ – இதழ்கள் – இரண்டு கைப்பிடி

பீட்ரூட் – 1

நெல்லிக்காய் கொட்டை நீக்கி நறூக்கியது – ஒரு கைப்பிடி

கொட்டை பாக்கு – அரை கைப்பிடி

மருதாணி – அரைக்கைப்பிடி

க்ரீன் தேயிலை அல்லது தூள் – அரை கைப்பிடி

Dye : ஹேர் டை யூஸ் பண்றீங்களா? கேடு தரும் கெமிக்கல் டை வேண்டாம்… ஹெர்பல் ஹேர் டை ட்ரை பண்ணுங்க.. எப்படி செய்றதுன்னு பார்க்கலாமா?

கொடுக்கப்பட்டுள்ள அனைத்தையும் தனித்தனியாக நிழலில் உலர்த்தி காயவைக்கவும்.செம்பருத்தி பூ மகரந்தம் சேர்க்க வேண்டாம். அதே போல் பீட்ரூட் தோல் சீவி நறுக்கி உலர விடவும். இலைகள் நன்றாக உலர்ந்ததும் காயவைத்து பிறகு தனித்தனியாக அரைத்து சலிக்கவும்.

அதே போல் பீட்ரூட் பவுடரையும் சலித்து எடுக்கவும். கொட்டை பாக்கு ப்ளெண்டரில் அரைப்பதற்கு முன்பு அதை இடித்துபிறகு மசிக்கவும். தேயிலையையும் நைஸாக அரைக்கவும்.

அகலமான பாத்திரத்தில் ஒவ்வொரு பொடியையும் கொட்டி நன்றாக சேரும் வரை கிளறவும். கைகளில் ஈரம்படவேண்டாம். பிறகு கண்ணாடிபாட்டிலில் பதப்படுத்தி வைக்கவும்.

​நேச்சுரல் ஹேர் டை பயன்படுத்தும் முறை

டை பயன்படுத்துவதற்கு முன் தினம் இரும்பு வாணலில் தேவையான அளவு அல்லது 5 டீஸ்பூன் பொடியை போட்டு வறுக்கவும். இது கருமை நிறம் அடையும் வரை வைத்திருந்து. பிறகு அரை டம்ளர் நீர் விட்டு கொதிக்க விடவும். அவை கொதித்ததும் வாணலை இறக்கி நன்றாக பேஸ்ட் பதத்துக்கு கலந்து அப்படியே விடவும். மறுநாள் காலை பயன்படுத்தலாம்.

முதலில் கூந்தலை சிக்கில்லாமல் சீவி விடவும். அழுக்கு இருந்தால் டை ஒட்டாது. அதனால் தலைக்குளியலுக்கு பிறகு அல்லது அடுத்த நாள் இந்த டை பயன்படுத்தலாம்.

கூந்தலை சீவி பகுதிபகுதியாக பிரித்து கைகளால் அல்லது பிரஷ் கொண்டு டை போட பயன்படுத்துங்கள்.முதலில் நரைமுடி இருக்கும் இடங்களில் மயிர்க்கால்களில் நன்றாக தடவி விடுங்கள். பிறகு உச்சந்தலை முழுவதும் தடவி நுனி வரை தடவி எடுங்கள்.

​நேச்சுரல் டை எவ்வளவு நேரம்

பொதுவாக வெளியில் தயாரிக்கப்படும் ஹேர் டை வகைகள் 15 முதல் 20 நிமிடங்கள் வரை தான். ஆனால் இந்த இயற்கை ஹேர்டை நன்றாக கூந்தலில் பிடிக்க குறைந்தது 1 மணி நேரம் வரையாவது ஆகலாம்.

உங்களின் நேரத்துக்கேற்ப 2 மணி நேரம் வரை விட்டு பிறகு கூந்தலை வெதுவெதுப்பான அல்லது மந்தமான நீரில் ஷாம்பு, சீயக்காய் இல்லாமல் அலசி எடுக்கவும்.அதிக அழுத்தத்தோடு துவட்டாமல் மென்மையாக துவட்டி இயற்கையாக உலர விடவும்.

வாரத்துக்கு இரண்டு நாள் வீதம் மாதத்தில் எட்டு நாட்கள் அல்லது கிடைக்கும் நேரத்தில் இன்னும் இரண்டு முறை சேர்த்துபயன்படுத்துங்கள். ஒரே மாதத்தில் பலன் தெரியக்கூடும்.

​நேச்சுரல் டை கூந்தலுக்கு தரும் நன்மைகள்

நெல்லிக்காய் இளநரை பித்தநரை போக்கு கூந்தலுக்கு வலுவூட்ட செய்கிறது. மருதாணி இயற்கையாக ஆரஞ்சு நிறத்தை கொடுக்க கூடியது. அதே போல் பீட்ரூட் பர்கண்டி நிறத்தை அளிக்க கூடியது. இவை இரண்டுமே பளீரென்று இருக்கு வெள்ளை முடியின் தாக்கத்தை குறைக்க செய்கிறது.

அவுரி இலை நரைமுடிக்கு கருநீலத்தை கொடுக்க கூடியது. செம்பருத்தி இதழ்கள் இளஞ்சிவப்பு நிறத்தை அளிக்க கூடியவை.கொட்டைப்பாக்கு கனமான நிறமாற்றத்தை கொடுக்கும். இவை ஆறுமே கூந்தலை முதலில் நரையிலிருந்து காப்பாற்றும் வேலையை இணைந்து செய்கிறது.

கறிவேப்பிலை, செம்பருத்தி இலை, க்ரீன் தேயிலை மூன்றுமே கூந்தலின் வளர்ச்சியை பாதுகாக்கும் முக்கியமான பொருள்கள். அதோடு இவை கூந்தலை மென்மையாகவும் பொலிவாகவும் வைத்திருக்க செய்யும்.

குறிப்பு இந்த நேச்சுரல் ஹேர்டை பொடியை இரண்டு மாதங்களுக்கு சேர்த்து தயாரித்து விடலாம். தேவைப்படும் போது பயன்படுத்தி கொள்ளலாம். குழந்தைகள் முதல் பெரியவர்கள் வரை ஆண்களும் பயன்படுத்தலாம்.

Related Articles

Back to top button

Adblock Detected

Please consider supporting us by disabling your ad blocker