ஹோட்டல் ஸ்டைல் சில்லி கார்லிக் நூடுல்ஸ்

தேவையான பொருட்கள் :

1. நூடுல்ஸ் – அரை கப்,
2. நறுக்கிய வெங்காயம் – அரை கப்,
3. குடைமிளகாய் – 1
4. கேரட் – அரை கப்,
5. இஞ்சி, பூண்டு, பச்சை மிளகாய் விழுது – ஒரு டேபிள்ஸ்பூன்,
6. கொத்தமல்லி – சிறிதளவு,
7. எண்ணெய் – 2 டேபிள்ஸ்பூன்,
8. உப்பு – தேவையான அளவு.

சில்லி கார்லிக் நூடுல்ஸ்

செய்முறை:

நூடுல்ஸை உதிரியாக வேக வைத்து கொள்ளவும். குடைமிளகாய், கேரட்டை நீளவாக்கில் மெலிதாக வெட்டிக்கொள்ளவும். கொத்தமல்லியை பொடியாக நறுக்கி கொள்ளவும்.

கடாயில் எண்ணெய் விட்டு, சூடானதும் வெங்காயத்தை சேர்த்து வதக்கவும்.வெங்காயம் சற்று வதங்கியதும் இஞ்சி – பூண்டு – பச்சை மிளகாய் விழுது, உப்பு சேர்த்துக் கிளறவும்.

அடுத்து அதில் கேரட், குடைமிளகாய் சேர்த்து வதக்கவும். அனைத்தும் நன்றாக வதங்கியதும் வெந்த நூடுல்ஸை போட்டு கலக்கவும். நன்கு கலந்து வந்ததும் கொத்தமல்லி தூவி அலங்கரிக்கவும்.

சூப்பரான சில்லி கார்லிக் நூடுல்ஸ் ரெடி.