ஹெல்மெட் அணிவதால் முடி அதிகமா கொட்டுதா? டாக்டர் சொல்ற இந்த ஐடியாவை ஃபாலோ பண்ணுங்க…
எல்லா ஆண்களும் பொதுவாக சொல்லும் விஷயம் இது. ஹெல்மெட் அணிவதுதான் தன்னுடைய முடி உதிர்வுக்குக் காரணம் என்று. அது உண்மைதானா..
ஏற்கனவே தலைமுடி உதிர்தல் பிரச்சினை இல்லாமல் இருந்தால் நிச்சயம் ஹெல்மெட் போட்டாலும் முடி கொட்டாது என்று ஆய்வுகள் குறிப்பிடுகின்றன.
ஏற்கனவே முடி உதிர்தல் பிரச்சினை அல்லது தலைமுடியில் ஏதேனும் தொற்றுக்கள் இருந்தால் அவர்கள் அழுக்கான ஹெல்மெட் போடும்போது முடி உதிர்தல் பிரச்சினை ஏற்படும்.
முடி உதிர்வை தடுக்க ஹெல்மெட் எப்படி பயன்படுத்தலாம்…
ஹெல்மெட்டின் உள்பகுதியை பல பேர் சுத்தம் செய்வதே கிடையாது.
ஹெலமெட்டின் உள்பகுதியை நன்கு சுத்தமாக வைத்துக் கொள்ள வேண்டும்.
தலைக்குப் பொருந்துகிற சரியான அளவிலான ஹெல்மெட்டை பயன்படுத்துங்கள்.
ஹெல்மெட் போடுவதற்கு முன் தலைக்கு வேண்டுமானால் ஒரு காட்டன் துணியை கட்டிக் கொள்ளலாம்.
ஈரமான தலைமுடியின் மேல் ஹெல்மெட் போடக் கூடாது. முடியை நன்கு உலர்த்திவிட்டு ஹெல்மெட் போடுங்கள்.
முடி உதிர்வதை எப்படி தடுக்கலாம்…
தலைமுடி உதிர்வைத் தடுக்க ஹெல்மெட் மட்டுமே காரணம் கிடையாது. தலைமுடி பராமரிப்பும் மிக அவசியம்.
தலைமுடியை நன்கு உலர்த்திக் கொள்ள வேண்டும்.
தலைமுடிக்குத் தேவையான ஊட்டச்சத்துக்கள் கொண்ட உணவுகளை எடுத்துக் கொள்ளுங்கள்.
முடிக்குத் தேவையான சப்ளிமெண்ட்டுகள் எடுத்துக் கொள்ளலாம்.
முடியின் வேர்க்கால்களில் அழுக்குகள், பொடுகு ஆகியவை தேங்காமல் பார்த்துக் கொள்ளுங்கள்.
இவற்றை சரியாகப் பின்பற்றினாலே முடி உதிர்தல் பிரச்சினை குறையும்.
முடி உதிர்தல் பிரச்சினை இருந்தாலும் கூட மோட்டார் பைக்கில் போகும்போது ஹெல்மெட் போடாமல் போகாதீங்க. அது உயிர் காக்கும் கவசம் என்பதை மறக்காதீங்க…
