தந்தூரி சிக்கன் பிரியாணி செய்வது எப்படி?

சிக்கனுடன் சேர்த்து ஊறவைக்க தேவைப்படும் பொருட்கள் :

• தயிர் – ஒரு கப்
• பூண்டு – ஒன்று
• இஞ்சி – ஒரு துண்டு
• கொத்தமல்லி – ஒரு கைப்பிடி
• கறிவேப்பிலை – சிறிது
• பச்சைமிளகாய் – 2
• லவங்கம் – 4
• எலுமிச்சை – பாதி
• மிளகாய்தூள் – ஒரு தேக்கரண்டி
• கரம் மசாலா – அரை தேக்கரண்டி
• மிளகு தூள் – ஒரு தேக்கரண்டி
• சீரகத்தூள் – ஒரு தேக்கரண்டி
• கஸ்தூரி மேத்தி – ஒரு தேக்கரண்டி
• உப்பு – தேவையான அளவு

பிரியாணிக்கு தேவையான பொருட்கள்:

• அரிசி – அரை கிலோ (ஊறவைக்கவும்)
• சிக்கன் லெக்பீஸ் – 8
• வெங்காயம் – 3
• தக்காளி – 3
• இஞ்சி பூண்டு விழுது – 2 தேக்கரண்டி
• மிளகாய் தூள் – ஒரு தேக்கரண்டி
• கரம் மசாலா – ஒரு தேக்கரண்டி
• புதினா, கொத்தமல்லி – ஒரு கைப்பிடி
• பட்டை, பிரிஞ்சு இலை, இலவங்கம், ஏலக்காய், அன்னாசிப்பூ – தலா 2

செய்முறை

• சிக்கனை நன்றாக சுத்தம் செய்து கொள்ளவும்.
• அரிசியை நன்றாக கழுவி ஊறவைக்கவும்.
• வெங்காயம், தக்காளி, கொத்தமல்லி, புதினாவை பொடியாக நறுக்கி கொள்ளவும்.
• தந்தூரி சிக்கன் பிரியாணி செய்வதற்கு முதலில் சிக்கனுடன் சேர்த்து ஊறவைக்க கொடுக்கப்பட்டுள்ள பொருட்கள் அனைத்தையும் மிக்சியில் போட்டு நன்றாக அரைத்து கொள்ளவும்.
• சிக்கனை சுத்தம் செய்த பின் அரைத்த கலவையை சிக்கனில் சேர்த்து 3 மணிநேரம் ஊறவைக்கவும்.
• சிக்கன் நன்றாக ஊறியதும் ஒரு கடாயில் எண்ணெய் விட்டு எண்ணெய் காய்ந்ததும் சிக்கனை முக்கால் பதம் வேகும் வரை பொரித்து எடுக்கவும்.
• பின்பு மற்றொரு பாத்திரத்தில் எண்ணெய் விட்டு தாளிக்க கொடுக்கப்பட்ட பொருட்களை போட்டு தாளித்த பின்பு வெங்காயத்தை சேர்த்து வதக்கவும்.
• வெங்காயம் நன்கு வதங்கியதும் இஞ்சி பூண்டு விழுது சேர்த்து வதக்கவும்.
• அடுத்து புதினா, கொத்தமல்லி, தக்காளியை சேர்த்து வதக்கவும்.
• தக்காளி குழைய வதங்கியதும் மிளகாய் தூள் மற்றும் கரம்மசாலா தூளை போட்டு நன்றாக கிளறிவிடவும்.
• அதனுடன் தேவையான அளவு உப்பு மற்றும் ஒரு கப் அரிசிக்கு 1 1/2 கப் தண்ணீர் என்ற அளவில் தண்ணீர் சேர்த்து கொதிக்க விடவும்.
• தண்ணீர் நன்கு கொதித்ததும் ஊறவைத்துள்ள அரிசியை அவற்றில் கலந்து எலுமிச்சை சாறு ஊற்றி வேக விடவும்.
• அடுத்து அதில் பொரித்த சிக்கனை போட்டு 15 நிமிடம் தம்மில் போடவேண்டும்.
• அரைமணி நேரம் கழித்து பாத்திரத்தை திறக்க சுவையான தந்தூரி சிக்கன் பிரியாணி ரெடி.