காரசாரமான மிளகு சப்பாத்தி

தேவையான பொருட்கள் :

• கோதுமை மாவு – ஒரு கப்,
• மிளகு – ஒரு டீஸ்பூன்,
• நெய் – 2 டீஸ்பூன்,
• எண்ணெய், உப்பு – தேவையான அளவு.

செய்முறை:

• முக்கால் டீஸ்பூன் நெய்யில் மிளகை வறுத்து ஆறவைத்து பொடித்துக் கொள்ளவும்.
• அதை கோதுமை மாவில் சேர்த்து… உப்பு, மீதமுள்ள நெய்யையும் சேர்த்து, தண்ணீர் தெளித்து கெட்டியாகப் பிசைந்து அரை மணிநேரம் மூடி வைக்கவும்.
• மாவை சப்பாத்திகளாக தேய்த்து வைக்கவும்.
• தோசை கல்லை அடுப்பில் வைத்து சூடானதும் தேய்த்து வைத்த சப்பாத்தியை போட்டு சுற்றி சிறிது எண்ணெய் விட்டு வெந்ததும் திருப்பி போட்டு வேக வைத்து எடுத்து பரிமாறவும்.
• சத்தான சுவையான மிளகு சப்பாத்தி ரெடி.