மாலை நேர ஸ்நாக்ஸ் மொச்சை வடை

மொச்சையில் சுண்டல், கூட்டு, குழம்பு செய்து இருப்பீங்க. ஆனால் இன்று மொச்சையை வைத்து சூப்பரான வடை செய்வது எப்படி என்று பார்க்கலாம்.

தேவையான பொருட்கள் :

மொச்சை – கால் கிலோ
உளுந்து – 100 கிராம்
கடலைப்பருப்பு – 100 கிராம்
நறுக்கிய இஞ்சி – சிறிதளவு
பூண்டு – 4 பல்
வெங்காயம் – 1
பச்சை மிளகாய் – 2
எண்ணெய் – தேவையான அளவு
மிளகு – சிறிதளவு
உப்பு – தேவையான அளவு

செய்முறை:

வெங்காயத்தை பொடியாக நறுக்கி கொள்ளவும்.

மொச்சை, உளுந்து, கடலைப்பருப்பு ஆகியவைகளை நன்றாக கழுவி இரண்டு மணி நேரம் தண்ணீரில் ஊறவைத்துக்கொள்ள வேண்டும்.

அனைத்து நன்றாக ஊறியதும் அவற்றுடன் ப.மிளகாய், பூண்டு, மிளகு, இஞ்சி, உப்பு சேர்த்து வடை மாவு பதத்தில் கெட்டியாக அரைத்துக்கொள்ள வேண்டும்.

அரைத்த மாவுடன் வெங்காயத்தை சேர்த்து பிசைந்து கொள்ளவும்.

வாணலியில் எண்ணெய் ஊற்றி அது சூடானதும், மாவை வடைகளாக தட்டி போட்டு பொரித்தெடுக்க வேண்டும்.

சூப்பரான மொச்சை வடை ரெடி.