ஆரோக்கியம்புதியவைமருத்துவம்

கை மற்றும் மூட்டு வலியா? என்ன வீட்டு வைத்தியம்… எப்படி சரிசெய்வது

அலுவலக பணி மேற்கொள்பவர்களுக்கு கைகள் மற்றும் மணிக்கட்டுகளில் வலி ஏற்படுவதுண்டு. அதை எப்படி சரி செய்யலாம் என பார்க்கலாம். அலுவலகத்தில் கணினி ரீதியான வேலை செய்பவர்கள் அல்லது பேனாவால் எழுதக்கூடிய வேலைகளை செய்யக்கூடியவர்கள் அதிகமாக கைகள் மற்றும் மணிக்கட்டுகளில் வலியை அனுபவிக்கிறார்கள்.

அதிகப்படியான தட்டச்சு செய்தல், குறுஞ்செய்தி அனுப்புதல் மற்றும் மவுஸை அதிகமாக அழுத்துதல் போன்ற விஷயங்களால் நமது கைகள் மற்றும் மணிக்கட்டுகளில் வலி ஏற்படுகிறது. ஏனெனில் இந்த வேலைகளுக்கு நமது விரல்களே அதிகம் பயன்படுகின்றன.

எனவே கை மற்றும் மணிக்கட்டு வலி என்பது அலுவலக வேலை செய்பவர்களுக்கு குறிப்பிடத்தக்க பக்க விளைவாக உள்ளது. ஆனால் அதிர்ஷ்டவசமாக கை மற்றும் மணிக்கட்டு வலியை குறைக்க உண்மையில் பல வழிகள் உள்ளன. மேலும் அதை தடுக்க பல வழிகள் உள்ளன.

​மணிக்கட்டு மற்றும் கை வலி

கை மற்றும் மணிக்கட்டு வலி ஏன் அதிகம் காணப்படுகிறது என்பதையும் அதுக்குறித்து நாம் என்ன செய்யலாம் என்பதையும் இப்போது தெரியும்.

அலுவலக வேலைகளுக்கான பணிகள் என பார்க்கும்போது அதில் கை அசைவு குறித்த வேலைகள் அதிகமாக உள்ளன. நாம் தட்டச்சு செய்யும்போது நம் விரல்களை இயற்கையான முறையில் பயன்படுத்துகிறோம். மேலும் நாம் நீண்ட காலத்திற்கு விசைப்பலகையை பயன்படுத்துகிறோம். அதிக நேரத்திற்கு தட்டச்சு செய்யும்போது நமது மணிக்கட்டில் அதிகப்பட்சமான அழுத்தம் ஏற்படுகிறது. ஏனெனில் தட்டச்சு செய்யும் போது மற்ற எல்லாவற்றையும் விட விரல்களுக்கான பணியானது அதிகமாக உள்ளது.

​என்னென்ன பிரச்சினைகள் உண்டாகும்?

தட்டச்சு செய்வதன் மூலம் நம் கைகளையும் மணிக்கட்டுகளையும் அதிகமாக பயன்படுத்துவதால் நம் உடல்கள் ஏராளமான உடல் அபாயங்களை ஏற்படுத்த வாய்ப்புண்டு.

அவை:

கார்பல் டன்னல் நோய்க்குறி
விரல் தூண்டுதல்
மணிக்கட்டு தசைநாண் அழற்சி
மீண்டும் மீண்டும் காயம் அல்லது மன அழுத்தம்
இந்த விளைவுகள் பொதுவாக நிரந்தரமானவை அல்ல. ஆனால் இந்த விளைவுகள் அதிக வேதனையை ஏற்படுத்துகின்றன. தட்டச்சு செய்வதை நீங்கள் வேலையாக கொண்டிருக்கும்போது இந்த வலிகளை நீங்கள் சமாளிக்க வேண்டியது முக்கியமாகும். எனவே உங்கள் வாழ்க்கையில் உடற்பயிற்சி அல்லது விளையாட்டு போன்ற செயல்களிலும் பாதிப்பு ஏற்படலாம். கூடுதலாக உங்கள் கைகளிலும் மணிக்கட்டுகளிலும் ஏற்படும் நீடித்த வீக்கமானது கீல்வாதம் போன்ற நோய்கள் ஏற்படுவதற்கு வழிவகுக்கும்.

​வலியை குறைப்பதற்கான வழிகள்

நீங்கள் இந்த மாதிரியான வலியை அனுபவிக்காத போது உங்கள் வாழ்க்கை சிறப்பானதாக இருக்கிறது. எனவே இந்த வலி ஏற்படாமல் இருக்க சாத்தியமான நடவடிக்கைகளை எடுப்பது மிக முக்கியமாகும். அதிர்ஷ்டவசமாக உங்கள் கை மற்றும் மணிக்கட்டு வலியை மோசமடையாமல் தடுக்க பல வழிகள் உள்ளன.

​வலி நிவாரண வலிகள்

தட்டச்சு வேலைகளை செய்யும்போது அடிக்கடி கைகளை நீட்டுவதன் மூலமும் வேலையை இடை நிறுத்தம் செய்வதன் மூலம் உங்கள் கைகளுக்கு நெகிழ்வுதனமையை கொண்டு வர முடியும். மேலும் இந்த நிகழ்வின் காரணமாக உங்கள் கைகளுக்கு இரத்த ஓட்டத்தில் மேம்பாடு ஏற்படுகிறது.

உங்கள் கைகளையும் மணிக்கட்டுகளையும் நீட்டும்போது உங்கள் கை வலி குறைவது போல நீங்கள் உணர்ந்தால் ஒவ்வொரு ஒன்று அல்லது இரண்டு மணி நேரத்திற்கு ஒரு முறையும் இந்த செய்கையை செய்வதை வழக்கமாக்கி கொள்ளுங்கள்.

அதே போல உட்கார்ந்தே இருப்பதும் உடலுக்கு தீங்கு விளைவிக்கும். எனவே ஒவ்வொரு ஒரு மணி நேரத்திற்கு ஒரு முறையும் எழுந்து நடப்பது அல்லது நிற்பது நல்லது. நாள் முழுவதும் உங்கள் கைகளையும் மணிக்கட்டுகளையும் நாள் முழுவதும் பயன்படுத்துவதால் அவற்றிற்கு இடைவெளி கொடுப்பது மிக முக்கியமாகும்.

​மணிக்கட்டு நீட்சி

உங்கள் மணிக்கட்டை நீட்டுவது என்பது தட்டச்சு செய்யும்போது ஏற்படும் வலியை குறைப்பதற்கான எளிய வழியாகும். அப்படியாக நீங்கள் செய்யக்கூடிய மணிக்கட்டு நீட்டிப்புகளில் சிலவற்றை நாங்கள் வரிசைப்படுத்தியுள்ளோம்.

உங்கள் கைகளை முன்னால் நீட்டியப்படி வைத்துக் கொள்ளுங்கள். பிறகு கைகளை உயர்த்தி தாழ்த்த வேண்டும். உங்கள் முஷ்டியை நன்றாக பிடித்துக்கொள்ளவும்

உங்கள் முஷ்டியை பிடித்துக்கொண்டு கையை நன்றாக மேலும் கீழும் சுற்றவும்.

எப்படி மணிக்கட்டுக்கு பயிற்சி அளிக்கிறோமோ அதே போல கை மற்றும் விரல்களுக்கும் பயிற்சி அளிப்பது மிக முக்கியமாகும். நாள் முழுவதும் தட்டச்சு செய்வது மற்றும் குறுஞ்செய்தி அனுப்புவது ஆகியவற்றில் இருந்து கைகளில் வலியை குறைக்க நாம் செய்யும் பயிற்சியானது உதவியாக இருக்கும்.

​அந்த பயிற்சிகள்:

உங்கள் விரல்களையும் உள்ளங்கைகளையும் நேராக்கி அதை அப்படியே அந்த நிலையில் முப்பது நிமிடங்கள் வைத்திருங்கள். பிறகு கரடி போல விரல் நகங்களை கீழே வளைத்த வண்ணம் 30 விநாடிகள் வைத்திருங்கள்.

உங்கள் உள்ளங்கையை பரப்பி ஒரு சமதளத்தில் வைத்துக்கொண்டு ஒவ்வொரு விரலாக தனிதனியாக மேலே உயர்த்தி இறக்கவும்.

கை பிரச்சனைகளை குறைக்க இந்த பயிற்சி உதவியாக இருக்கும். தசைகளை சிறிது அழுத்துவதும் அவற்றுக்கு ஓய்வு கொடுப்பதும் தசைகளை தளர்த்த உதவுகிறது. மேலும் இவை பதற்றத்தை குறைக்கவும் உதவுகிறது.

​உடற்பயிற்சிகளை வலுப்படுத்துதல்

அனைவரும் உங்கள் கைகள் மற்றும் மணிக்கட்டுகளுக்கு முழு பயிற்சி அளிக்க தேவையில்லை. ஆனால் இந்த உறுப்புகளின் பயன்பாடு அதிகமாக இருக்கும்போது இந்த பயிற்சிகளை நீங்கள் எடுத்துக்கொள்ளாமல் இருப்பது அந்த பாகங்களுக்கு வலியை ஏற்படுத்தலாம். இவை மிகவும் எளிய குறைவான நேரம் எடுத்துக்கொள்ளும் உடற்பயிற்சிதான் மேலும் இதற்கு எந்த வித உடற்பயிற்சி உபகரணங்களும் தேவையில்லை.

​மணிக்கட்டு சுருட்டு பயிற்சி

உங்கள் கைகள், மணிக்கட்டு மற்றும் உங்கள் முன் கைகளுக்கு பயனளிக்கும். இந்த பாகங்களை வலுப்படுத்த மிகவும் பிரபலமான உடற்பயிற்சியாக மணிக்கட்டு சுருட்டை பயிற்சி உள்ளது.

இந்த உடற்பயிற்சியை அதிகமாக செய்தால் காயம் ஏற்படலாம். ஏனெனில் சிலர் இதற்கு அதிகப்படியான எடையை பயன்படுத்துகின்றனர். எனவே முதலில் செய்பவர்கள் சிறிய அளவில் எடையை கொண்டு இந்த பயிற்சியை மேற்கொள்ளலாம். இதனால் நீங்கள் செய்யக்கூடிய அன்றாட நடவடிக்கைகளுக்கு உங்கள் மணிக்கட்டுகளும் கைகளும் சிறந்த நிலையில் உதவும்.

​வலிக்கான சில வீட்டு வைத்தியங்கள்

கை மற்றும் மணிக்கட்டில் வலி அல்லது வீக்கம் போன்றவை ஏற்படும்போது அவற்றை நிர்வகிக்க சில எளிதான வழிகள் உள்ளன. தற்காலிகமாக வலியை குறைக்க ஓவர் தி கவுண்டர் போன்ற வலி குறைப்பானை முயற்சிக்கலாம்

​வெப்பம் மற்றும் குளிர்

சூடான மற்றும் குளிர் பொருட்களை கொண்டு சிகிச்சை செய்யும்போது கைகளில் வீக்கமானது குறைகிறது. அதே நேரத்தில் இது வலியில் இருந்து தற்காலிகமாக நிவாரணம் அளிக்கிறது. விளையாடும் போது சில சமயங்களில் காயம் ஏற்படும்போது நமது பெற்றோர்கள் இந்த முறையை பயன்படுத்தி இருப்பர். ஆனால் இந்த முதலுதவி கை மற்றும் மணிக்கட்டு வீக்கத்திற்கும் உதவுகிறது.

​மஞ்சள்

மஞ்சள் ஒரு முக்கிய ஆயுர்வேத மூலிகையாகும். இது வலி மற்றும் வீக்கத்தை போக்க நன்கு உதவுகிறது என நிரூபிக்கப்பட்டுள்ளது. ஆயிரக்கணக்கான ஆண்டுகளாக பயன்படுத்தப்படும் ஒரு நம்ப முடியாத இயற்கை வலி நிவாரணியாக மஞ்சள் உள்ளது.

இதை தேநீர், சாப்பாடு, அல்லது சாறு செய்து சாப்பிடுவது உடலுக்கு நன்மை பயக்கும். வீங்கிய இடத்தில் இதை பூசுவதன் மூலம் கை வீக்கத்தை குறைக்க முடியும்.

​இஞ்சி

பல தலைமுறைகளாக இந்தியாவில் வலி மற்றும் வீக்கத்தை குறைக்க பயன்படுத்தப்படும் முக்கியமான ஆயுர்வேத வேராக இஞ்சி உள்ளது. இது கீல்வாதத்தின் அறிகுறிகளை போக்க உதவுகிறது என நிரூபிக்கப்பட்டுள்ளது. மஞ்சளை போலவே உங்கள் சமையலில் இஞ்சியையும் உலர்ந்த மசாலாவாக பயன்படுத்தலாம். இதன் பொடியில் இருந்து தேநீர் தயாரிக்கலாம்.

​அழற்சியை குறைக்கவும்

வீக்கத்தை குறைப்பதற்கான முயற்சிகளை நீங்கள் மேற்கொள்ளும் போது அது உங்கள் கைகள் மற்றும் மணிக்கட்டுகளுக்காக மட்டும் இருக்க வேண்டாம்.

முறையான அழற்சியை குறைப்பதன் மூலம் ஒட்டுமொத்த உடல் ஆரோக்கியம் மேம்பாடு அடைகிறது. மேலும் நோய்கள் ஏற்படுவதற்கான வாய்ப்புகளையும் அது குறைக்கிறது. இந்த வீக்கங்களை குறைப்பதற்காக தினசரி செய்யக்கூடிய பல வழிகள் உள்ளன

அவை யோகா, குறைவான அழற்சி உணவுகளை உண்ணுதல், மன அழுத்தத்தை நிர்வகித்தல் மற்றும் போதுமான அளவு தூக்கம் பெறுதல் போன்றவற்றை நீங்கள் முயற்சி செய்யலாம்.

தடுக்க என்ன செய்யலாம்?

உங்களுக்கு ஏற்கனவே இருக்கும் மணிக்கட்டு மற்றும் கை வலியை குறைப்பதற்கான வலிகள் உங்களுக்கு இப்போது தெரிந்திருக்கும். ஆனால் உங்களது கைகள் சரியான பிறகு மீண்டும் அந்த வலி வராமல் இருக்க என்ன செய்யலாம் என்பதையும் அறிந்துக்கொள்வது உங்களுக்கு உதவியாக இருக்கும்.

உங்கள் உடலில் ஏற்படும் வீக்கத்தை குறைப்பதற்கான நடவடிக்கைகளை நீங்கள் எடுப்பதோடு தட்டச்சு செய்யும்போது மணிக்கட்டு மற்றும் கைகளுக்கு சரியான ஆதரவை பெறுவது என்பது உங்களுக்கு வலி ஏற்படுவதற்கான வாய்ப்புகளை குறைக்கும்.

​நிலைப்படுத்துதல்

தட்டச்சு செய்வதற்காக நீங்கள் அமர்ந்து இருக்கும்போது நீங்கள் நல்லப்படியாக அமர அனுமதிக்க கூடிய ஆதரவான நாற்காலியை பயன்படுத்துகிறீர்கள் என்பதை எப்போதும் உறுதிப்படுத்திக்கொள்ளுங்கள். உங்கள் முதுகை நேராக வைத்திருப்பது என்பது உங்கள் கைகள் மற்றும் மணிக்கட்டை நிலை நிறுத்த உதவுகிறது. எனவே உங்கள் கைகளை விசைப்பலகை மீது நேராக வைத்திருக்க வேண்டும். இந்த விஷயத்தில் நீங்கள் ஒரு வசதியான நிலையை கடைப்பிடிக்க முடியாவிட்டால் உங்களுக்கு வசதியாக இருக்கும் விசைப்பலகையை பயன்படுத்தலாம்.

​குஷனிங்

உங்கள் கைகளுக்கு வசதியான விசைப்பலகையை பயன்படுத்துவதை தவிர சுட்டி மெத்தை மற்றும் விசைப்பலகை மெத்தையை பயன்படுத்துவதன் மூலம் நீங்கள் கூடுதல் ஆறுதலை பெறலாம்.

நீங்கள் மவுஸை மிகவும் தீவிரமாக பயன்படுத்தும் போது ஒரு மவுஸ் மெத்தை பயன்படுத்தலாம் என்றாலும் நீங்கள் தட்டச்சு செய்யும்போது இடை நிறுத்தம் செய்யும்போது மட்டுமே விசைப்பலகை மெத்தையை பயன்படுத்த வேண்டும். ஏனெனில் நீங்கள் தட்டச்சு செய்யும்போது அதை பயன்படுத்தினால் அது உங்கள் மணிக்கட்டிற்கு பாதிப்பை ஏற்படுத்தக்கூடும்.

​மணிக்கட்டு ஆதரவு தயாரிப்புகள்

உங்கள் கைகள் மற்றும் மணிக்கட்டுகளுக்கு ஆதரவை வழங்கக்கூடிய பல வகையான தயாரிப்புகள் உள்ளன. எனவே அவற்றில் எது உங்களுக்கு நன்மை பயக்கிறது என்பதை பொறுத்து உங்களுக்கு ஏதுவான தயாரிப்புகளை நீங்கள் பயன்படுத்தலாம். மணிக்கட்டுகளுக்கான ஆதரவு பொருட்களில் ஸ்டபுலைசர்கள், மறைப்புகள் போன்றவை அடங்கும்.

Related Articles

Back to top button

Adblock Detected

Please consider supporting us by disabling your ad blocker