சூப்பரான ஸ்டஃப்டு சிக்கன் பரோட்டா

சிக்கன் ஸ்டஃப்டு பரோட்டா செய்து கொடுத்தால் குழந்தைகளுக்கு மிகவும் பிடிக்கும். இன்று இந்த பரோட்டாவை செய்வது எப்படி என்று பார்க்கலாம்.

தேவையான பொருட்கள்

கோதுமை மாவு – 3/4 கப்
மைதா மாவு – 1/4 கப்
உப்பு, எண்ணெய் – சிறிது

ஸ்டஃப் செய்ய :

எலும்பில்லாத சிக்கன் – அரை கிராம்
வெங்காயம் – 1
தக்காளி – 1
முட்டை – 1
கறிவேப்பிலை, கொத்தமல்லி – தேவையான அளவு
மிளகாய் தூள் – 1 தேக்கரண்டி
மஞ்சள் தூள் – சிறிதளவு
கரம் மசாலா – 1/4 தேக்கரண்டி
உப்பு – தேவையான அளவு
இஞ்சி பூண்டு விழுது – 1 தேக்கரண்டி
எண்ணெய் – 2 தேக்கரண்டி

செய்முறை :

ஒரு பாத்திரத்தில் கோதுமை மாவு, மைதா மாவு, உப்பு கலந்து தேவையான நீர் விட்டு எண்ணெய் விட்டு சப்பாத்தி மாவு பதத்தில் பிசைந்து வைக்கவும்.

சிக்கனை நன்றாக சுத்தம் செய்து மிக்சியில் போட்டு ஒரு சுற்று சுற்றி வைக்கவும்.

வெங்காயம், தக்காளி, கொத்தமல்லியை பொடியாக நறுக்கி கொள்ளவும்.

கடாயை அடுப்பில் வைத்து எண்ணெய் விட்டு சூடானதும் வெங்காயத்தை சேர்த்து வதக்கவும்.

வெங்காயம் முக்கால் பாகம் வதங்கியதும் இஞ்சி பூண்டு விழுது சேர்த்து வதக்கவும்.

அடுத்து அதில் தக்காளி, கறிவேப்பிலை, கொத்தமல்லி சேர்த்து வதக்கவும்.

தக்காளி பாதி வதங்கியதும் அதில் மிளகாய் தூள், மஞ்சள் தூள், கரம் மசாலா தூள் சேர்த்து வதக்கவும்.

அடுத்து அதில் அரைத்த சிக்கன், உப்பு போட்டு மூடி வேக விடவும். (தேவைப்பட்டால் நீர் சேர்க்கலாம். ஆனால் நீர் அதிகம் சேரக்கூடாது.)

சிக்கன் முழுவதும் வெந்ததும் கடைசியாக ஒரு முட்டையை உடைத்து ஊற்றி நன்றாக கலந்து விடவும். முட்டை வெந்ததும் எடுத்து வைக்கவும்.

பிசைந்து வைத்த மாவை சின்னதாக தேய்த்து அதில் இந்த கலவை வைத்து மூடி மீண்டும் பராத்தாவாக தேய்க்கவும்.

தோசை கல்லை அடுப்பில் வைத்து சூடானதும் செய்து வைத்த பராத்தாவை போட்டு சுற்றி சிறிது எண்ணெய் விட்டு வெந்ததும் திருப்பி போட்டு வேக வைத்து எடுக்கவும்.

சுவையான ஸ்டஃப்டு சிக்கன் பரோட்டா தயார்.