சூப்பரான வெண்டைக்காய் கார குழம்பு

வெங்காயம், தக்காளியை பொடியாக நறுக்கிகொள்ளவும்.

வெண்டைக்காயை சமமான துண்டுகளாக வெட்டி வைக்கவும்.

வெண்டைக்காயை வெறும் கடாயில் போட்டு 5 நிமிடம் வதக்கி வைக்கவும்.

கடாயில் எண்ணெய் ஊற்றி காய்ந்ததும் தாளிக்க கொடுக்கப்பட்டுள்ள பொருட்களை போட்டு தாளித்த பின்னர் வெங்காயத்தை போட்டு வதக்கவும்.

வெங்காயத்தின் நிறம் மாறியவுடன் தக்காளி சேர்த்து குழைய வதக்கவும். (விரும்பினால் தக்காளியை அரைத்தும் சேர்க்கலாம்)

அடுத்து அதில் வதக்கிய வெண்டைக்காயை சேர்த்து வதக்கவும்.

தக்காளி வெந்து எண்ணெய் பிரியும் போது, மஞ்சள் தூள், மிளகாய் தூள், தனியா தூள் சேர்த்து தேவையான அளவு தண்ணீர் ஊற்றி கொதிக்க விடவும்.

தூளின் வாசம் குறைந்து வெண்டைக்காய் வெந்ததும், புளி தண்ணீர் சேர்த்து கொதிக்க விட்டு இறக்கவும்.

சுவையான வெண்டைக்காய் கார குழம்பு தயார்.