நாவூரும் சுவையில் மட்டன் கொத்துக்கறி… இப்படி ஒரு முறை செய்து பாருங்க

பொதுவாகவே அசைவ பிரியர்களின் விரும்ப பட்டியலில் மட்டன் நிச்சயம் முக்கிய இடத்தை பிடித்து விடுகின்றது. குறிப்பாக பிரியாணி வகைகளிலும் மட்டன் பிரியாணிக்கு இருக்கும் மவுசே தனி.

மட்டனை பல்வேறு வகைகளிலும் சுவையாக சமைக்க முடியும். அந்தவகையில், வீட்டில் உள்ள சிறுவர்கள் முதல் பெரியவர்கள் வரையில் அனைவரும் விரும்பி சாப்பிடும் வகையில் மட்டன் கொத்துக்கறியை அசத்தல் சுவையில் எப்படி சமைக்கலாம் என இந்த பதிவில் பார்கலாம்.

தேவையான பொருட்கள்

அரைப்பதற்கு தேவையானவை

தக்காளி – 2 (நறுக்கியது)

இஞ்சி – 1 இன்ச்

பூண்டு – 5-7 பல்

புதினா – 15 இலைகள்

தாளிப்பதற்கு தேவையானவை

எண்ணெய் – 2 மேசைக்கரண்டி

சீரகம் – 1/2 தே.கரண்டி

பெரிய வெங்காயம் – 1 (பொடியாக நறுக்கியது)

மிளகாய் தூள் – 1 தே.கரண்டி

மஞ்சள் தூள் – 1/4 தே.கரண்டி

மல்லித் தூள் – 1 தே.கரண்டி

காஷ்மீரி மிளகாய் தூள் – 1 தே.கரண்டி

கரம் மசாலா – 1/2 தே.கரண்டி

உப்பு – சுவைக்கற்ப

தயிர் – 2 மேசைக்கரண்டி

மட்டன் கீமா – 300 கிராம்

தண்ணீர் – தேவையான அளவு

கொத்தமல்லி – சிறிதளவு

செய்முறை

முதலில்  தக்காளி, இஞ்சி, பூண்டு, புதினா இலைகளை ஆகியவற்றை ஒரு மிக்சர் ஜாரில் சேர்த்து  பேஸ்ட் பதத்திற்கு அரைத்து எடுத்துக்கொள்ள வேண்டும்.

அனையடுத்து மட்டன் கீமாவை தண்ணீரில் நன்றாக கழுவி தனியாக வைத்துக் கொள்ள வேண்டும்.

பின்னர் ஒரு குக்கரை அடுப்பில் வைத்து, அதில் எண்ணெய் ஊற்றி சூடானதும், சீரகம் சேர்த்து தாளித்து, அதில் பொடியாக நறுக்கிய வெங்காயத்தை சேர்த்து, கண்ணாடி பதத்திற்கு நன்றாக வதக்கிக்கொள்ள வேண்டும்.

பின்பு அதனுடன் அரைத்த மசாலாவையும் சேர்த்து நன்றாக பச்சை வாசனை போகும் அளவுக்கு வதக்கி எடுத்துக்கொள்ள வேண்டும்.

அதனையடுத்து அதில் மிளகாய் தூள், மஞ்சள் தூள், மல்லித் தூள், காஷ்மீரி மிளகாய் தூள், கரம் மசாலா மற்றும் ஆகியவற்றுடன் சுவைக்கேற்ப உப்பு சேர்த்து, 5 நிமிடங்கள் வரையில், மிதமான தீயில் வைத்து வதக்கி எடுத்துக்கொள்ள வேண்டும்.

பின்னர் தயிரையும் அதில் சேர்த்து நன்றாக கிளறிவிட்டு, அதனுடன் கழுவி வைத்துள்ள மட்டன் கீமாவை சேர்த்து நன்றாக கலந்துவிட்டுக்கொள்ள வேண்டும்.

அதன் பின்பு சிறிதளவு தண்ணீர் ஊற்றி கிளறிட்டு, குக்கரை மூடி 2-3 விசில் வரையில் வேகவிட்டு விசில் போனதும் குக்கரைத் திறந்து, அதில் சிறிதளவு நறுகிக்கி  கொத்தமல்லியைத் தூவி கிளறினால், அவ்வளவு தான் அருமையான சுவையில், மட்டன் கொத்துக்கறி தயார்.