கொரிய பெண் மாதிரி 40 வயசிலும் 20 மாதிரி தெரிய இந்த முட்டை பேஸ்பேக் ஒன்னு மட்டும் போதும்…
சருமத்தில் ஏற்படும் சுருக்கங்கள், தொங்கும் சருமம் ஆகியவற்றைச் சரிசெய்வதில் வெள்ளையின் முட்டைக்கரு மிகச்சிறப்பாக வேலை செய்யும். சருமத் துளைகளுக்குள் ஆழமாகச் சென்று, சருமத் துளைகளுக்குள் உள்ள அழுக்குகளை வெளியேற்றி சுத்தம் செய்யும். வாங்க இந்த வெள்ளைக்கரு மாஸ்க் எப்படி செய்வது என்று பார்க்கலாம் வாங்க…
வயதான தோற்றம் நீங்க
சருமச் சுருக்கம் பொதுவாக வயதாகும்போது உண்டாகும். ஆனால் சரியான சரும பராமரிப்பு இல்லாதது, அதிக ரசாயனங்கள் கொண்ட க்ரீம்கள் பயன்பாடு, ஊட்டச்சத்து பற்றாக்குறை, நீர்ச்சத்து குறைபாடு போன்ற பல்வேறு காரணங்களால் இளம் வயதிலேயே சுருக்கங்கள் அடைந்து வயதான தோற்றத்தை ஏற்படுத்தி விடுகின்றன.
அவற்றை வீட்டிலுள்ள எளிய பொருள்களை வைத்தே சரிசெய்ய முடியும். இளமையாக வைத்திருக்க முடியும்
முட்டை வெள்ளைக்கரு – காபி பேஸ்மாஸ்க்
தேவையான பொருள்கள்
முட்டை வெள்ளைக்கரு – 1
காபி பொடி – 1 ஸ்பூன்
தக்காளி சாறு – 2 ஸ்பூன்
பயன்படுத்தும் முறை
ஒரு முட்டையின் வெள்ளைக்கருவை எடுத்து நன்கு ஸ்மூத்தாக அடித்துக் கொள்ளுங்கள்.
அதில் தக்காளி சாறு மற்றும் காபி பொடியைக் கலந்து நன்கு மிக்ஸ் செய்து கொள்ளுங்கள்.
முகத்தை நன்கு ஒரு ஃபேஸ்வாஷ் கொண்டு சுத்தம் செய்து கொள்ளுங்கள்.
ஒரு டவலை எடுத்து வெந்நீரில் முக்கி எடுத்து அதை நன்கு பிழிந்து கொள்ளுங்கள்.
அந்த டவல் வெதுவெதுப்பாக இருக்கும் போது அப்படியே முகத்தில் அப்படி ஒற்றி, அழுத்தி எடுக்க வேண்டும். அப்படி செய்யும்போது சருமத்துளைகள் திறந்திருக்கும்.
இப்போது கலந்து வைத்திருக்கும் முட்டையின் வெள்ளைக்கரு பேஸ்ட்டை முகத்தில் முழுவதும் நன்கு இடைவெளி விடாமல் அப்ளை செய்ய வேண்டும்.
20 நிமிடங்கள் வரை அப்படியே வைத்திருந்து, பின்பு பீல் ஆஃப் மாஸ்க் போல அது பிரிந்து வரும். மெதுவாக பிரித்து எடுத்து விட்டு சாதாரண நீரில் முகத்தைக் கழுவிக் கொள்ளங்கள்.
செய்யும் நன்மைகள
இந்த பேஸ்மாஸ்க்கை வாரத்தில் இரண்டு முறை பயன்படுத்துவதன் மூலம் சருமத்தில் உள்ள அழுக்குகள். மாசுக்கள் அனைத்தும் வெளியேறும்.
சருமத்திலுள்ள இறந்த செல்களை வெளியேற்றும்.
சருமத்தில் ஏற்படும் சுருக்கங்கள் மற்றும் நுண்ணிய கோடுகளைக் குறைக்கும்.
க்ளியர் சருமத்தைக் கொடுப்பதோடு நல்ல மாய்ஸ்ச்சரைஸிங் தன்மையை கொடுப்பதோடு, சருமத்தை இளமையாக வைத்திருக்க உதவி செய்யும்.
