ஒரே இரவில் பெரிய சரும துளைகள் மறையணுமா… இதுல ஏதாவது ஒன்று ட்ரை பண்ணுங்க.

சருமத்தில் பெரிய துளைகள் உருவாவதற்கு நிறைய காரணங்கள் இருக்கின்றன. நீர்ச்சத்து குறைபாடு தொடங்கி அதிக ரசாயனப் பயன்பாடு, ஹார்மோன் சமநிலையின்மை, மன அழுத்தம், பதட்டம், ஊட்டச்சத்து குறைபாடு, பாக்டீரியா தொற்றுக்களால் ஏற்படும் பாதிப்பு, கரும்புள்ளிகள், அதிகப்படியான சீபம் சுரப்பு என ஏராளமான காரணங்கள் இருக்கின்றன. இவற்றை சரிசெய்தாலே ஓரளவு சருமம் ஆரோக்கியமாக இருக்கும். அவைதவிர கீழ்வரும் வீட்டு வைத்தியங்களையும் முயற்சி செய்யலாம்.

​எலுமிச்சை – தேன் ஸ்கிரப்

தேவையான பொருள்கள்

தேன் – 1 ஸ்பூன்,
எலுமிச்சை சாறு – 1 ஸ்பூன்,
சர்க்கரை – கால் ஸ்பூன்,

பயன்படுத்தும் முறை

மேலே குறிப்பிட்ட மூன்று பொருள்களையும் ஒரு பௌலில் சேர்த்து நன்கு கலந்து அதை அப்படியே முகத்தில் அப்ளை செய்து விரல்களால் வட்ட வடிவில் மசாஜ் செய்யுங்கள்.

10 – 15 நிமிடங்கள் வரை மசாஜ் செய்து பின் வெதுவெதுப்பான நீரில் கழுவிக் கொள்ளுங்கள்.

இப்படி செய்வதன் மூலம் சருமத் துளைகளுக்குள் அடைத்துக் கொண்டிருக்கும் அழுக்குகள் மற்றும் இறந்த செல்கள் முற்றிலும் வெளியேற ஆரம்பிக்கும்.

இதை வாரத்தில் இரண்டு அல்லது மூன்று முறை செய்து வர வேகமாக சருமத்துளைகள் அளவு குறைய ஆரம்பிக்கும்.

​கடலை மாவு – மஞ்சள் பேக்

தேவையான பொருள்கள்

கடலை மாவு – 1 ஸ்பூன்,
மஞ்சள் – கால் ஸ்பூன்,
தயிர் – 2 ஸ்பூன்,
ஆலிவ் ஆயில் – 1 ஸ்பூன்

பயன்படுத்தும் முறை

ஒரு பௌலில் கடலை மாவுடன் மஞ்சள், ஆலிவ் ஆயில், தயிர் ஆகியவற்றைச் சேர்த்து நன்கு ஸ்மூத்தான பேஸ்ட்டாகக் கலந்து கொள்ளுங்கள்.

இந்த பேஸ்ட்டை முகத்தை கழுவி விட்டு அப்ளை செய்து 20 நிமிடங்கள் வரை அப்படியே விட்டுவிடுங்கள்.

பிறகு லேசாக முகத்தை மசாஜ் செய்துவிட்டு குளிர்ந்த நீரால் முகத்தைக் கழுவிக் கொள்ளுங்கள்.

கடலை மாவு சருமத் துளைகளுக்குள் இருக்கும் மாசுக்களை முற்றிலும் உறிஞ்சி வெளித்தள்ளும். மஞ்சளில் உள்ள ஆன்டி பாக்டீரியல் பண்புகள் சருமத்தில் ஏற்படும் பாக்டிரியா தொற்றைச் சரிசெய்யும். ஆலிவ் ஆயில் சருமத்தை துளைகள் இன்றி மென்மையாக வைத்திருக்க உதவி செய்யும்.

​வெள்ளரிக்காய் – ரோஸ் வாட்டர்

தேவையான பொருள்கள்

வெள்ளரிக்காய் ஜூஸ் – 4 ஸ்பூன்,
ரோஸ் வாட்டர் – 2 ஸ்பூன்
​
பயன்படுத்தும் முறை

ஒரு பௌலில் ரோஸ் வாட்டர், வெள்ளரிக்காய் சாறு இரண்டையும் நன்றாகக் கலந்து அதை ஒரு சிறிய காட்டனில் தொட்டு முகம் முழுவதும் அப்ளை செய்யுங்கள்.

அப்ளை செய்வதற்கு முன்பு முகத்தை நன்கு கழுவிக் கொள்ள வேண்டும். இதை செய்து 15 நிமிடங்கள் கழித்து முகத்தை கழுவி விடலாம். இதை தினமும் கூட செய்து வரலாம். வெள்ளரிக்காய் சாறு சருமத் துளைகளை சிறிதாக்கி முகத்தில் சுருக்கங்கள் போன்றவை ஏற்படாமல் இளமையாக வைத்திருக்க உதவி செய்யும்.

​தயிரும் பாசிப்பயறு மாவும்

தேவையான பொருள்கள்

தயிர் – 2 ஸ்பூன்
பாசிப்பயறு மாவு – 1 ஸ்பூன்

பயன்படுத்தும் முறை

தயிருடன் பாசிப்பயறு மாவைக் கலந்து முகத்தில் அப்ளை செய்து 15 நிமிடங்கள் வரை அப்படியே ஊறவிட்டு விடுங்கள்.

பிறகு விரல்களால் மெதுவாக மசாஜ் செய்து முகத்தை குளிர்ந்த நீரால் கழுவிக் கொள்ளுங்கள். இதை வாரத்திற்கு இரண்டு முறை மட்டும் செய்து வரலாம். இதை தொடர்ந்து செய்து வருவதன் மூலம் பெரிய துளைகள் கொஞ்சம் கொஞ்சமாகக் குறைந்து முகம் பளபளப்பாக மாறும்.

​தயிர் அல்லது காய்ச்சாத பால்

தேவையான பொருள்கள்

தயிர் அல்லது பால் – 2 ஸ்பூன்

பயன்படுத்தும் முறை

காய்ச்சாத பால் சருமத்திலுள்ள அழுக்குகளை சருமத்தின் உள்ளே வரையிலும் சென்று வெளியேற்றும் தன்மை கொண்டது.

இதன் மூலம் சீபம் சுரப்பைக் கட்டுப்படுத்தி சருமத் துளைகளின் அளவைக் குறைப்பதில் பெரும் பங்கு வகிக்கும்.

இதை அப்ளை செய்து 15 நிமிடங்கள் வரை வைத்திருந்து பின் முகத்தைக் கழுவிக் கொள்ளுங்கள்.

​க்ரீன் டீ – முட்டை மாஸ்க்

சருமத்தின் பெரிய துளைகளைக் குறைத்து சிறிதாக்கி முகத்தை இளமையாக வைத்திருக்க உதவி செய்வதில் முட்டையின் வெள்ளைக் கருவுக்கு மிக முக்கிய இடமுண்டு.

தேவையான பொருள்கள்

முட்டை வெள்ளைக்கரு – 1
கடலை மாவு – 1 ஸ்பூன்,
க்ரீன் டீ பவுடர் – 1 ஸ்பூன்,
தண்ணீர் – சிறிதளவு

பயன்படுத்தும் முறை

ஒரு பௌலில் முட்டையின் வெள்ளக்கருவுடன் கடலை மாவு, க்ரீன் டீ பவுடர் மற்றும் தண்ணீர் சேர்த்து நன்கு பேஸ்ட்டாக கலக்கிக் கொள்ள வேண்டும்.

இந்த கலவையை முகத்தில் மாஸ்க் போல அப்ளை செய்து 20 நிமிடங்கள் வைத்திருக்கவும்.

முட்டையின் வெள்ளைக்கரு சருமத்தில் உள்ள பெரிய துளைகளை மூடி சருமத்தை இளமையாக வைத்திருக்கச் செய்யும்.

க்ரீன் டீயில் உள்ள ஆன்டி ஆக்சிடண்ட்டுகள் சருமத்தில் ஏற்படும் தொற்றுக்களைச் சரிசெய்யும்.

இதை வாரத்திற்கு இரண்டு முறை பயன்படுத்தினாலே மிக வேகமாக சருமத் துளைகள் மறைய ஆரம்பிக்கும்.