சப்பாத்திக்கு சூப்பரான வெஜிடபிள் குருமா

தேவையான பொருட்கள் :

• கேரட் – 2
• பீன்ஸ் – 15,
• பட்டாணி – கால் கப்,
• உருளைக்கிழங்கு – 2
• பெரிய வெங்காயம் – 2,
• தக்காளி – 3,
• தேங்காய்த் துருவல் – 1 கப்,
• பொட்டுக்கடலை – 1 டேபிள் ஸ்பூன்,
• கொத்தமல்லி – சிறிதளவு
• உப்பு – தேவைக்கு.

தாளிக்க:

• பட்டை, லவங்கம், ஏலக்காய் – தலா 2,
• எண்ணெய் – 3 டேபிள் ஸ்பூன்.

அரைக்க:

• இஞ்சி – 1 துண்டு,
• பூண்டு – 5 பல்,
• சோம்பு – அரை டீஸ்பூன்,
• பச்சை மிளகாய் – 5.

செய்முறை :

• கொத்தமல்லி, காய்கறிகள், தக்காளி, வெங்காயத்தை பொடியாக நறுக்கி கொள்ளவும்.
• காய்கறிகளை நன்றாக கழுவி சிறிது உப்பு சேர்த்து குக்கரில் ஒரு விசில் வைத்து இறக்குங்கள். 2 நிமிடம் கழித்து, வெயிட்டைத் தூக்கி, பிரஷரை வெளியேற்றி, உடனே திறந்து விடுங்கள்.
• தேங்காய்த் துருவலையும் பொட்டுக்கடலையையும் நன்கு அரைத்துத் தனியே வையுங்கள்.
• அரைக்கக் கொடுத்துள்ளவற்றைத் தனியே அரைத்துக் கொள்ளுங்கள்.
• கடாயை அடுப்பில் வைத்து எண்ணெய் ஊற்றி சூடானதும் தாளிக்கும் பொருள்களை போட்டு தாளித்த பின்னர் வெங்காயம் சேர்த்து வதக்குங்கள்.
• வெங்காயம் நன்றாக வதங்கியதும் அரைத்த விழுது சேர்த்து பச்சை வாசனை போகும் வரை வதக்கவும்.
• அடுத்து அதில் தக்காளியை சேர்த்து வதக்குங்கள்.
• தக்காளி குழைய வதங்கியதும வேகவைத்த காய்கறி, அரைத்த தேங்காய்க் கலவை, உப்பு, தேவையான தண்ணீர் சேர்த்து, 5 நிமிடம் கொதிக்கவிட்டு கொத்தமல்லி தழை தூவி இறக்குங்கள்.
• அருமையான வெஜிடபிள் குருமா ரெடி.