உலகிலேயே மிக ஆபத்தான உணவு ஏற்படுத்தும் விளைவுகள்

* இந்த உணவு ரத்த அழுத்தத்தினைக் கூட்டும். தொடர் உள் வீக்கத்தினை உருவாக்கும். இவை இரண்டும் சேர்ந்து இருதய நோயினை உருவாக்கும்.

* இந்த உணவு உணவுக் குழாயில் புற்றுநோயினை உருவாக்கும். நுரையீரல் புற்றுநோய், சிறுகுடல் புற்றுநோய் சர்க்கரைப்பை புற்று நோய் என அனைத்தினையும் உருவாக்கும்.

* கல்லீரலுக்கு அதிக கனத்தினைக் கொடுத்து கொளுப்பு கல்லீரலாக்கும் தன்மையினை இந்த உணவு கொண்டது.

* இந்த உணவு சிறுநீரகம், கவுட் மற்றும் மறதி நோய்களை உருவாக்கும்.

* 20 சதவீத சக்தியினை இந்த உணவில் இருந்து நீங்கள் பெற்றால் 25 சதவீதம் கூடுதலாக இருதய நோய் பாதிப்பு ஏற்படும்.

* இந்த உணவு சர்க்கரை நோய்க்கு ஆபத்தானது.

* இந்த உணவு நமது உடலின் நோய் எதிர்ப்பு சக்தியினைக் குறைத்து கிருமி, நோய் தாக்குதல்களை எளிதில் வரவழைக்கும்.

* இந்த உணவு சருமத்தில் முதுமையைக் கூட்டும்.

* இந்த உணவு ஈறுகள் நோய், மன உளைச்சல், தலைவலி, சோர்வு, கவனம் செலுத்த இயலாமை, டென்ஷன், கோபம் இவற்றினை ஏற்படுத்தும். ஏனெனில் இந்த உணவு வைட்டமின்கள் ஏ.சி.பி.12 மற்றும் கால்ஷியம் இவை இருக்க வேண்டிய இடத்தினை ஆக்கிரமித்து விடுகின்றது.

* இந்த உணவு தொடர்ந்து எடுத்துக்கொள்ளும் போது வாதம், இருதய நோய், சர்க்கரை நோய், உடல் எடை என அனைத்தும் ஒன்றன் பின் ஒன்றாக வந்துவிடும்.

* இந்த உணவு ஒருவரை சத்தமில்லாமல் கொன்றுவிடும்.

இந்த உணவு என்னவென்று தெரியாமல் இருக்க முடியுமா? இதுதான் சர்க்கரை. அன்றாட உணவில் அதிக சர்க்கரையினை சேர்ப்போருக்கு இத்தகு விளைவுகள் ஏற்படும் வாய்ப்புகள் மிகமிக அதிகம். எனவே சர்க்கரை உணவினை தவிர்ப்போமாக.

* புரத குறைபாடு: நன்றாகத்தான் உணவு உட்கொள்கின்றேன் என்று கூறினாலும் சிலருக்கு புரதக் குறைபாடு இருக்கத்தான் செய் கின்றது. நல்ல புரத உணவு எடுத்துக் கொள்பவர்களுக்கும் புரதக் குறைபாடு ஏற்படத்தான் செய் கின்றது. புரதத்தினை உடல் ஏற்றுக் கொள் ளும்போது மட்டுமே புரத குறைபாடு தவிர்க்கப்படுகிறது. புரத குறைபாட்டின் சில அறிகுறிகளை காண்போம்.

* வயிற்று உப்பிசம், காற்று: ஒவ்வொரு உணவிற்குப் பின்னும் வயிறு உப்பிசமும், காற்றும் இருந்தால் உடல் புரதத்தினை உடைக்கும் என்ஸைம்களை உற்பத்தி செய்யவில்லை என்று பொருள்.

* மலச்சிக்கல்: தேவையான ஜீரண என்ஸைம்ஸ் உடலால் உற்பத்தி செய்யப்படவில்லை என்பதும் மலச் சிக்கலுக்கு காரணமாக இருக்கலாம்.

* உங்கள் ஜீரண மண்டலம் சக்தி அற்றதாக இருக்கலாம்.

* படபடப்பு, சோகம், இவை யும் புரத குறைபாட்டி னை ஏற்படுத்த முடியும்.

* தைராய்டு, இன்சுலின் இன்னும் மற்ற ஹார்மோன்களின் குறைபாடு ஏற்படும் பொழுதும் புரத குறைபாடு காணப்படலாம்.

* தொடர்ந்து அதிக எடை கூடிக்கொண்டு இருந்தால் மருத்துவர் ஆலோசனையின் பேரில் புரதம் எடுத்துக் கொள்ள வேண்டும்.

* சருமம் நன்கு இருக்க, முடி நன்கு இருக்க புரதம் மிக அவசியம்.

* வயது கூடும் பொழுது தேவை யான அளவு புரதம் இருக்கின்றதா என மருத்துவரிடம் கேட்டறிய வேண்டும்.

* அசிடிடிக்காக அதிக அன்டாசிட் மாத்திரை எடுத்துக் கொள்பவர்களுக்கு அதிக புரத குறைபாடு ஏற்படும்.