தித்திப்பான ஷீர் குர்மா

தேவையான பொருட்கள் :

• பால் – 1 லிட்டர்,
• சேமியா – 1 கப்,
• நெய் – 2 ஸ்பூன்,
• முந்திரி, பாதாம், பிஸ்தா, பேரிச்சை – தேவையான அளவு,
• ஏலக்காய் பொடி – ஒரு சீட்டிகை,
• சர்க்கரை – 1/2 கப்,
• ரோஸ் வாட்டர் – 1 ஸ்பூன்,
• குங்குமப் பூ – 1/4 ஸ்பூன்

செய்முறை :

• நெய்யை நன்கு காய வைத்து நட்ஸை போட்டு வறுத்து தனியாக வைத்து கொள்ளவும்.
• சேமியாவையும் நன்கு உடைத்து நெய்யில் பொன்னிறமாக வறுத்து கொள்ளவும்.
• ஒரு பாத்திரத்தில் பாலை ஊற்றி நன்றாக காய்ச்சவும். பால் நன்குக் காய்ந்ததும் வறுத்த சேமியாவை போட்டு கிளறவும்.
• அடுத்து அதில் சர்க்கரை சேர்க்கவும்.
• சேமியா வெந்ததும் அடுப்பை அணைத்துவிடவும்.
• பின் அதில் வறுத்து வைத்துள்ள நட்ஸ், ரோஸ் வாட்டர், ஏலக்காய் பொடி மற்றும் குங்குமப்பூ சேர்த்துக் கலக்கவும்.
• சுவையான ஷீர் குர்மா தயார்.