குழந்தைகளுக்கு விருப்பமான காபி – தேங்காய் பர்ஃபி

தேவையான பொருட்கள்  :

தேங்காய் துருவல் – 1 கப்
காபி டிகாஷன் – அரை கப்
சர்க்கரை – தேவைக்கு
நெய் – 1 டேபிள் ஸ்பூன்
முந்திரி பருப்பு – தேவையான அளவு

செய்முறை :

முந்திரி பருப்பை தூளாக்கி கொள்ளவும்.

வாணலியில் தண்ணீர் ஊற்றி அதில் சர்க்கரையை போட்டு பாகு காய்ச்சி கொள்ள வேண்டும்.

அடுத்து அதில் நெய், காபி டிகாஷன், தேங்காய் துருவல் ஆகியவற்றை ஒன்றன் பின் ஒன்றாக சேர்த்து கிளறிவிட  வேண்டும்.

ஓரளவு கெட்டியாகி பதம் வந்ததும் இறக்கிவிட வேண்டும். அகன்ற தட்டில் நெய் தடவி விட்டு அதில் இந்த கலவையை ஊற்றி சமமாக பரப்பி விட வேண்டும்.

பின்னர் முந்திரி பருப்பு தூளை அதன் மேல் தூவி விட வேண்டும்.

பின்னர் விரும்பிய வடிவத்தில் வெட்டி பர்பியை ருசிக்கலாம்.