குழந்தைகள் விரும்பும் பேபிகார்ன் பஜ்ஜி

தேவையான பொருட்கள் :

• பேபிகார்ன் – 12,
• கடலை மாவு – 1 கப்,
• அரிசிமாவு – 1 டீஸ்பூன்,
• கார்ன்ஃப்ளவர் – 1 டீஸ்பூன்,
• உப்பு – சுவைக்கேற்ப,
• எண்ணெய் – தேவைக்கு,
• ஆப்ப சோடா – சிட்டிகை

அரைக்க:

• பச்சை மிளகாய் – 3,
• இஞ்சி – 1 துண்டு,
• பூண்டு – 3 பல்.

செய்முறை:

• பேபிகார்னை சுத்தம் செய்து கொதிக்கும் நீரில் 10 நிமிடம் போட்டு வைத்து பின்னர் எடுக்கவும்.
• அரைக்க கொடுக்கப்பட்டுள்ள பொருட்களை மிக்சியில் போட்டு நைசாக அரைத்து கொள்ளவும்.
• ஒரு பாத்திரத்தில் மாவு, அரைத்த விழுது, உப்பு, தண்ணீர், ஆப்ப சோடா சேர்த்து இட்லி மாவு பதத்தில் கரைத்து கொள்ளுங்கள்.
• எண்ணெயைக் காயவைத்து ஒவ்வொரு பேபி கார்னையும் மாவில் நனைத்து எடுத்து எண்ணெயில் போட்டு பொரித்தெடுங்கள்.
• சுவையான பேபிகார்ன் பஜ்ஜி ரெடி.