ஆரோக்கியம்புதியவை

சொரியாசிஸ் வருவதற்கு முன் சருமத்தில் ஏற்படும் அறிகுறிகள் என்னென்ன?

இது உடலின் எதிர்ப்புத் திறனால் ஏற்படும் ஒருவித சரும நோயாகும். இது நமைச்சலுடன் கூடிய சிகப்பு திட்டுக்களை உருவாக்கும். நோயின் வகை மற்றும் தீவிரத்தைப் பொறுத்து இதர அறிகுறிகள் மாறுபடும்.

சொரியாசிஸ் என்பது சருமத்தின் செல் உற்பத்தியை அளவுக்கு அதிகமாக உருவாக்கும் ஒரு சருமத் தொற்று ஆகும். வழக்கமாக சில வாரங்களில் உற்பத்தியாக வேண்டிய சரும செல்களில் சில நாட்களிலேயே அதிகமாக உற்பத்தியாகி மேற்பரப்பில் குவிந்துவிடுவதால் விரைவாக உதிர்ந்தும் விடுகிறது. பிளேக் சொரியாசிஸ் எனப்படும் தொற்று வகை, வழக்கமாக சருமத்தில் ஏற்படும் ஒரு சொரியாசிஸ் நோய் நிலையாகும். இதில் அதிவிரைவான செல் உற்பத்தி செதில் செதிலான, சற்று மேலெழும்பிய திட்டுக்களை சருமத்தில் ஏற்படுத்துகிறது, சருமத்தின் மேற்பரப்பில் ஏற்படும் இந்த செதில்களுக்கு ப்ளேக் என்று பெயர்.

ஆட்டோஇம்யூன் நோய் என்பதன் பொருள், சொந்த உடலே தனது நோய் எதிர்ப்பு திறனால் அதிகமாகத் தூண்டப்பட்டு ஆரோக்கியமான செல்களை தாக்கத் தொடங்குகிறது. சொரியாசிஸை பொறுத்த வரை இந்த செயல்முறை சருமத்தில் செதில்கள் உதிரவும், வீக்கம் ஏற்படவும் காரணமாகிறது.
இது எதனால் ஏற்படுகிறது?

பரம்பரை மரபணுக்கள் முக்கிய பங்கு வகிக்கிறது என்பது தெளிவாகிறது. எனவே சொரியாசிஸ் குடும்பத்தினரிடையே பயணிக்கிறது. ஆனால் உங்களுக்கு பரம்பரையாக இந்த நோயின் முன்கணிப்புகள் இருந்தாலும் கூட, உங்களுக்கு இந்த சரும நோய் ஏற்படும் என்று அர்த்தமல்ல. மனஅழுத்தம், நோய்த்தொற்று, காயங்கள், மருந்துகள் அல்லது வானிலை (குறிப்பாக அளவுக்கதிகமான குளிர் அல்லது வறண்ட காற்று) போன்ற பல்வேறு புறச்சூழல்கள் இந்நோயைத் தூண்டும் அல்லது மேலும் மோசமாக்கும் என்று விஞ்ஞானிகள் கருதுகின்றனர்.

சொரியாசிஸ்

சொரியாசிஸால் பாதிக்கப்படும் ஒவ்வொரு மனிதருக்கும் தனித்தன்மையான அனுபவங்கள் உண்டாகின்றன என்று விளக்குகிறார் மத்திய நியூ ஜெர்ஸி விண்ட்சர் தோல் நோயியல் மற்றும் சொரியாசிஸ் மருத்துவ மைய மருத்துவர் ப்ரையன் கீகன். ”சொரியாசிஸ் மிக மெதுவாக தொடங்குகிறது, மேலும் அதன் ஆரம்ப மற்றும் வரையறுக்கப்பட்ட நிலைகளில் நோயை கண்டறிவதும் கடினமானது. சில வாரங்களிலேயே முழுமையாக பரவத் தொடங்கி உடலின் 20% பாதிக்கிறது என்கிறார். இந்த சரும நோய் ஏற்படுவதை முன்கூட்டி கணிக்கும் நிலையான வழிகள் ஏதுமில்லை என்கிறார்.

வடிவங்கள்

சொரியாசிஸின் அதன் பல வடிவங்களில் தோன்றும் அடையாளங்களையும் அறிகுறிகளையும் தெரிந்து வைத்துக் கொள்வது இந்த பொதுவான தோல் வியாதியை அடையாளம் காண உதவும். சொரியாசிஸால் பாதிக்கப்பட்டவர்கள் எவ்வளவு விரைவாக முடியுமோ அவ்வளவு விரைவாக சொரியாசிஸுக்கு சிகிச்சையைத் தொடங்கும்படி என்று வலியுறுத்துகிறார் டாக்டர். கீகன், ஏனென்றால், ”இந்த நிலையை அலட்சியப்படுத்துதல் தீவிரமான சிக்கல்களுக்கு வழிவகுக்கலாம்”. சிகிச்சை அளிக்காமல் விடப்படும் சொரியாசிஸ் உங்கள் இதயத்தில், கல்லீரலில், இரத்த நாளங்களில், மற்றும் பல உள்ளுறுப்புகளில் பிரச்சனைகளை ஏற்படுத்தக்கூடும்”, என்கிறார் அவர். இங்கே நீங்கள் தெரிந்துக் கொள்ள வேண்டியவை:

​சிகப்பு தடிப்புகள் – சொரியாசிஸ் செதில் படல சருமம்

சிகப்பான வீங்கிய சரும திட்டுக்கள் சொரியாசிஸின் மிகப் பொதுவான அறிகுறிகளில் ஒன்றாகும். உங்கள் சொரியாசிஸின் வகையைப் பொறுத்து தடிப்புகள் பரவலாக பரவும் அல்லது உடலின் குறிப்பிட்ட சில இடங்களில் மட்டும் கட்டுபட்டு பரவும்.

ப்ளேக் சொரியாசிஸ் பொதுவாக 80% முதல் 90% வரை வழக்குகளில் ஏற்படுவதாக மதிப்பிடப்பட்டுள்ளது. இது உடலின் எந்தப் பகுதியில் வேண்டுமானாலும் ஏற்படலாம் என்று கூறுகிறார் டாக்டர். கீகன்.

இந்த பிரச்சனை உள்ள நோயாளிகளுக்கு சில சமயங்களில் சிகப்பான, செதில் செதிலான ப்ளேக்குகள் முகத்தில், குறிப்பாக புருவங்களில், நெற்றியில், தலை முடி தொடங்கும் பகுதியில், மூக்கிற்கும் மேல் உதட்டுக்கும் இடையில் என பல இடங்களில் எழும்பும். உங்களுக்கு உச்சந்தலையில் சொரியாசிஸ் இருந்தால், சிகப்பு திட்டுக்கள், செதில்கள் உதிர்தல், மற்றும் தற்காலிகமாக முடி கொட்டுதல் போன்ற அறிகுறிகளை நீங்கள் கவனிக்கலாம்.

​வௌ்ளை செதில்கள்

சொரியாசிஸின் சிகப்பு படலங்கள் பொதுவாக வெள்ளி-வெள்ளை செதில்களாக உறியுத், உண்மையில் இவை சருமத்தின் இறந்த செல்களே.

மேற்பரப்பில் உள்ள இந்த செதில்கள் எளிதாக உதிரும், ஆளால் அடிப்புறத்தில் ஒன்றாக ஒட்டிக் கொண்டிருக்கும். அவற்றை பிடுங்குதல் அல்லது முரட்டுத்தனமாக தேய்ப்பதால் ரத்தக் கசிவு ஏற்படலாம்.

​வறண்ட அல்லது வெடித்த சருமம்

அதீத வறண்ட சருமத்தால் செதில் உதிர்வது அல்லது வெடிப்புகள் ஏற்பட்டு இரத்தம் கசிவது சொரியாசிஸின் மற்றொரு அம்சமாகும்.

உச்சந்தலையில் சொரியாசிஸ் தோல் நோய் உள்ளவர்களுக்கு தலையில் கவனிக்கத்தக்க அளவுக்கு செதில்கள் உதிரும். இந்த வறண்ட வெள்ளி நிற வெள்ளை செதில்கள் பொடுகிலிருந்து முற்றிலும் வேறுபட்டது. பொடுகினால் ஏற்படும் செதில்கள் வெள்ளையாக அல்லது மஞ்சள் நிறத்தில் பிசுபிசுப்பாக இருக்கும்.

​வலி மிகுந்த எரிச்சலுடன் கூடிய நமைச்சல்

சொரியாசிஸால் பாதிக்கப்பட்டவர்களுக்கு பொதுவான ஒரு பிரச்சனை சருமத்தில் நமைச்சல். ஒரு கூர்மையான வலி போன்ற உணர்வு உங்களை சொறிய வைக்கும், இந்த நமைச்சல் கடிப்பது போன்ற அல்லது எரிச்சலான உணர்வை ஏற்படுத்தும் என்று தேசிய சொரியாசிஸ் அமைப்பு (NPF) தெரிவிக்கிறது.

மூட்டுகளில் விறைப்பு மற்றும் வீக்கம்

வலிகளும் வீக்கங்களும் எதற்காக ஏற்படுகிறது என்று எப்போதாவது நீங்கள் யோசித்ததுண்டா? இந்த எட்டு விஷயங்கள் சொரியாடிக் ஆர்த்ரைடிஸாக மாற வாய்ப்புக்கள் இருக்கிறது.

​நகத்தில் மாற்றங்கள்

நகத்தில் கூட சொரியாசிஸ் வருமா? ஆமாம். அது ஒரு வகை தோல் பிரச்சனை. சொரியாடிக் ஆர்த்ரைடிஸ் உள்ளவர்களை இது பெரும்பாலும் பாதிக்கிறது. ஆனால் தோலில் சொரியாசிஸ் எள்ள பெரும்பாலான நபர்களுக்கு கூட கை விரல் நகங்கள் அல்லது கால் விரல் நகங்களில் மாற்றங்களை காணலாம்.

இவர்களுக்கு குழி விழுந்த தளர்வான, கடினமான நகங்கள் அல்லது சொறசொறப்பான நிறம் மாறிய நகங்கள் அல்லது பிளவுபட்ட நகங்களை காணலாம்.

​சிகப்பு புள்ளிகள்

சிறிய, துளிகள் போன்ற வடிவில் சிகப்பு புள்ளிகள் அல்லது செதில்கள் கைகளில், கால்களில், தொடைகளில் அல்லது உச்சந்தலையில் காணப்படும். இது கட்டட்டி எனப்படும் சொரியாசிஸ் வகையாகும். இது பொதுவாக இளைஞர்களையும் குழந்தைகளையும் பாதிக்கும் பாக்டீரியா தொற்று ஆகும். இதை ஆரம்பத்தில் கவனிக்காவிட்டால் நீணட நாட்களில் தீவிர நோய் நிலையாக மாறும்.

கட்டட்டி என்பது லத்தீன் மொழியிலிருந்து பெறப்பட்ட சொல்லாகும். வெள்ளைத் திட்டுக்கள் பொல பாதிக்கப்பட்ட சருமம் தோற்றமளிக்கும் என்று விளக்குகிறார்

​சீழ் நிறைந்த கொப்புளங்கள்

சிவந்த வீக்கமான திட்டுக்கள், சிறிய சீழ் நிரம்பிய கொப்புளங்களால் வித்தியாசமான பண்புகளோடு தோற்றமளிக்கும். இதற்கு பஸ்டுலர் சொரியாசிஸ“் என்று பெயர். இந்த வலி மிகுந்த கொப்புளங்களில் வெள்ளை அணுக்கள் நிறைந்திருக்கும். இது உடலின் எந்தப் பகுதியை வேண்டுமானாலும் பாதிக்கலாம். பொதுவாக உள்ளங்கைகளிலும் பாதத்தின் அடிப்பகுதியிலும் ஏற்படுகிறது.

பஸ்டுலர் சொரியாசிஸிசில் மூன்று வகைகள் இருக்கின்றன. இவற்றில் மிகத் தீவிரமானது ஜம்பஸ்ச் பஸ்டுலர் சொரியாசிஸ், இது உயிருக்கே ஆபத்தை விளைவிக்கக்கூடியது. இதன் விளைவாக காய்ச்சல், குளிர், சோர்வு, அதீத நமைச்சல், விரைவாக சீழ் பிடிப்பது, பசியின்மை, தசைகளில் பலவீனம், போன்றவை ஏற்படும். NPF ஐ பொருத்தவரை இதற்கு உடனடி மருத்துவ சிகிச்சை தேவை.

​சிகப்பு, வீக்க சரும மடிப்புகள்

இது இன்வெர்ஸ் சொரியாசிஸ் எனப்படுகிறது. பொதுவான சரும மடிப்புகளில் தோன்றும். புட்டம், மார்பகம், அக்குள் போன்ற இடங்களில் அதிகமாக ஏற்படும். வியர்வையும், சொறிவதும் இந்த நோயை மேலும் கடினமாக்கும்.

NPF கூற்றுப்படி இது உடற் பருமனான நபர்களுக்கு ஏற்படுகிறது.

​உறியும் உடல் சினப்புகள்

எரித்ரோடெர்மிக் சொரியாசிஸ் உள்ள நபர்களுக்கு உடலெங்கும் சிகப்பு தடிப்புக்கள் டீதான்றும். எரிச்சலை ஏற்படுத்தும். சருமம் பட்டையாக உதிர்வதால் இதுவும் உயிருக்கு ஆபாயம் விளைவிக்கும் ஒரு சரும நோய் வடிவமே ஆகும்.

சொரியாசிஸின் இதர அறிகுறிகள், உடல் வெப்பநிலையில் ஏற்ற இறக்கம், அதிகரித்த இதயத்துடிப்பு, கணுக்காலை சுற்றிலும் வீக்கம் போன்றவை ஆகும். எரித்ரோடெர்மிக் சொரியாசிஸால் அவதிப்படுவபர்கள் உடனடியாக மருத்துவரை அணுக வேண்டும் என்று NPF தெரிவிக்கிறது.

Related Articles

Close