அழகு..அழகு..புதியவை

தினம் ஒரு கலர்ல நெயில் பாலிஷ் வைக்கணுமா? ஈஸியா ரிமூவ் பண்ண வீட்ல இருக்கிற பொருளே போதும்!

Woman brushing her nails in the red color

நெயில் பாலிஷ் அடுத்து டிரஸ்க்கு மேட்சா மாத்தணும் ஆனா ரிமூவர் தீர்ந்துபோச்சே என்பவர்கள் வீட்டில் இருக்கும் பொருள்களை கொண்டு இதை போக்கிவிடலாம்.

அழகான விரல்களுக்கு மேலும் அழகூட்டும் வகையில் தினம் ஒரு கலரில் நெயில் பாலிஷ் வைப்பதும் ஃபேஷனாகிவிட்டது. ஆனால் ஒவ்வொரு முறையும் நீங்கள் நெயில் பாலிஷ் நீக்குவதற்கு நெயில் ரிமூவர் பயன்படுத்துவீர்கள்.

இவை இல்லாமல் இயற்கையான வழிமுறையில் நகங்களில் இருக்கும் நெயில் பாலீஷை வெளியேற்றலாம். அதோடு நகங்களின் பளபளப்பை சேதமில்லாமல் மீட்டேடுக்கலாம். அதே நேரம் உங்களிடம் நெயில் ரிமூவர் இல்லையென்றாலும் வீட்டிலிருக்கும் இந்த பொருள்களை கொண்டு நெயில் பாலிஷை வெளியேற்றலாம். அப்படியான பொருள்கள் குறித்து இப்போது பார்க்கலாம்.

டூத்பேஸ்ட்

டூத்பேஸ்ட்டில் நெயில் பாலிஷ் ரிமூவரில் பயன்படுத்தும் ரசாயன கலவையான எத்தில் அசிடேட் உள்ளது. இது அசிட்டோன் இல்லாத நெயில் பாலிஷ் ரிமூவர். சிறு அளவிலான பற்பசையை எடுத்து மெதுவாக விரல்களின் மீது வைத்து ஐந்து நிமிடங்கள் கழித்து விரல்களை துடைத்து எடுக்கவும்.

எலுமிச்சை

எலுமிச்சை அமிலத்தன்மை கொண்டுள்ளது. இது நகங்களுக்குள் குறிப்பாக நெயில் பாலிஷ்க்குள் ஊடுருவுகிறது. இது ஸ்க்ரப் போன்று செயல்பட்டு நெயில் பாலிஷ் வெளியேற்றும். இதை சோப்பு மற்றும் எலுமுச்சை துண்டு சிறிதளவு எடுத்து பயன்படுத்தலாம்.

முதலில் நெயில் பாலிஷ் கொண்டிருக்கும் நகங்களை ஐந்து நிமிடங்கள் சோப்பு நீரில் ஊறவிடவும். இப்போது எலுமிச்சை துண்டை எடுத்து அதை மெதுவாக துடைத்து மசாஜ் போன்று போடவும். பிறகு நெயில் எண்ணெயை பயன்படுத்தினால் நகங்கள் பளிச்.

​ஆல்கஹால்

நீண்ட நாட்களாக விரல் நகங்களில் இருக்கும் நெயில் பாலீஷ் மாற்றாமல் இருக்கும் போது அது நகத்தின் நிறத்தையும் மந்தமாக்கியிருக்கும். வெகு அரிதாக அந்த இடத்தில் தொற்றை உண்டாக்கிவிடும். அப்போது நெயில் பாலிஷ் ரிமூவரை காட்டிலும் உங்களுக்கு இந்த ஆல்கஹால் உதவக்கூடும்.

முதலில் விரல்களை வெதுவெதுப்பான நீரில் ஊறவைத்து பிறகு காட்டனில் ஆல்கஹாலை நனைத்து அதை விரல்களில் தடவி சில நிமிடங்களுக்கு பிறகு ஆல்கஹால் நீரில் விரல்களை தோய்க்கவும். இப்போது நெயில் பாலிஷை அகற்ற மெதுவாக விரல்களில் தேய்த்து எடுத்தால் நெயில் பாலிஷ் வெளியெறும். இப்போது நகங்களுக்கு வெண்ணெய் பயன்படுத்தி மசாஜ் செய்தால் நகங்கள் பளிச்சிடும்.

​சானிடைசர்

கொரோனாவால் எல்லோர் வீடுகளிலும் சானிடைசர் உள்ளது இது சிறப்பாகவே செயல்படும். சானிடைசர் சிறிது தட்டில் விட்டு அதில் பருத்தி காட்டனை ஊறவிடவும்..

நெயில் பாலிஷ் விரல்கள் மீது இலேசாக சானிடைசர் தெளித்து பிறகு காட்டனை கொண்டு துடைத்து எடுக்கவும். பிறகு மீண்டும் சானிடைசர் தொட்டு துடைக்கவும். இவை வெளியேறும் வரை இரண்டு அல்லது மூன்று முறை வரை இதை துடைத்து எடுக்கலாம்.

​ஹைட்ரஜன் பெராக்ஸடு

பெரும்பாலான வீடுகளில் இவற்றை பயன்படுத்துகிறார்கள். சிறீய கிண்ணத்தில் ஹைட்ரஜன் பெராக்ஸைடு விட்டு சிறிது நீர் கலந்து விடவும். இதில் கைவிரல்களை நனைத்து 5 நிமிடங்கள் கழித்து நெயில் கட்டரில் ஷார்ப் செய்யும் பகுதியை கொண்டு இலேசாக தேய்த்து எடுத்தால் பாலிஷ் வெளியேறும். சற்று கவனமாக விரல்கள் அடிபடாமல் பார்த்து கொள்ள வேண்டும்.

​ஹேர் ஸ்ப்ரே

ஹேர் ஸ்ப்ரேவை நெயில் பாலிஷ் ரிமூவருக்கு பதிலாக நீங்கள் பயன்படுத்தலாம் ஹேர் ஸ்ப்ரேவை சிறிது கிண்ணத்தில் விட்டு அதில் காட்டனை நனைத்து விரல் நகங்களின் மேல் இடுக்களின் மேல் தடவி விடவும். இலேசாக அழுத்தி தேய்க்கவும். உங்கள் விரல்நகங்களில் இருந்து பாலிஷ் வரும் வரை தேய்த்துகொண்டே இருக்கலாம்.

பிறகு கைகளை வெதுவெதுப்பான நீரில் சில நிமிடங்கள் நனைத்து பிறகு என்ணெய் கொண்டு மசாஜ் செய்து கொள்ளலாம். ஹேர் ஸ்ப்ரே போன்று டியோடரண்ட் கொண்டும் பாலிஷ் நீக்கலாம். இது சற்று கூடுதல் நேரம் பிடிக்கும்.

​எலுமிச்சையுடன் வினிகர்

எலுமிச்சை நீரை கொண்டு பாலிஷ் நீக்குவது சிரமமானது என்று நீங்கள் கண்டறிந்தால் வினிகருடன் சேர்த்து பயன்படுத்தலாம்.

வினிகர் 3 டிஸ்பூன் எடுத்து சம அளவு எலுமிச்சை சாறு கலந்து விடவும். இதில் விரல்நகங்களை 5 நிமிடங்கள் வரை ஊறவிடவும். பிறகு காட்டன் உருண்டைகளை பயன்படுத்தி விரல் நகங்களை துடைத்து எடுக்கவும்.

​நெயில் பாலிஷ்

நெயில் பாலிஷ் கொண்டு எப்படி நெயில் பாலிஷ் வெளியேற்றுவது என்று பார்க்கலாம். முதலில் நீங்கள் ஒரு நெயில் பாலிஷ் அது பழையனவாக இருந்தாலும் பரவாயில்லை. அதை எடுத்துகொள்ளுங்கள். பக்கத்தில் சற்று கனமான ஒரு பேப்பரை எடுத்துகொள்ளுங்கள்.

விரல் நகங்களில் அல்லது கால் நகங்களில் நெயில் பாலிஷ் போட்டு அடுத்த நொடி பேப்பரை கிழித்து அழுந்த துடைத்தெடுங்கள். இது போல் அவை வெளியேறும் வரை வைத்து வைத்து துடைத்து விடுங்கள்.

நெயில் பாலிஷ் ரிமூவர் பயன்படுத்திய பிறகு தாமதிக்காமல் உங்கள் விரல் நகங்கள் பளிச் தோற்றத்தில் இருக்க இலேசாக எண்ணெய் மசாஜ் அவசியம்.

Related Articles

Close