உறவுகள்புதியவை

தியாகம் எதுவும் செய்யாமல் பெஸ்ட் காதலியாக இருப்பது எப்படி?

அன்பு என்பது உண்மையிலேயே இதயத்தால் ஏற்றுக்கொள்ளப்பட கூடிய ஒரு உணர்வாகும். உங்களை சுற்றியுள்ளவர்கள் மற்றும் சமூக வலைத்தளங்களில் உறவுகள் குறித்து தவறாக பேசினாலும் அது உண்மை இல்லை என்பதை நீங்கள் அறிய வேண்டும். அது ஒருவகையான சமரசம், புரிதல் நிலை, தியாகங்கள் போன்ற பல விஷயங்கள் கலந்த விஷயமாகும்.

உறவுகளுக்குள்ளான போராட்டங்கள் எப்படிப்பட்டதாக இருந்தாலும் பெண்கள் எப்போதும் சில விஷயங்களில் கவனம் செலுத்துகின்றனர். அவர்கள் தங்கள் துணைக்கு எப்படி சிறந்த காதலியாக இருப்பது என்பது குறித்து அதிகமாக யோசிக்கின்றனர். இது பொதுவாக அதிக பெண்களிடம் இருக்கும் கருத்து மற்றும் விருப்பம் என்று சொல்லலாம்.

காதல்

சில ஆராய்ச்சியாளர்கள் இதுக்குறித்து கூறும்போது பெரும்பாலான நேரங்களில் பெண்கள் எப்படி சரியான காதலியாக இருப்பது என்பதில் மட்டுமே கவனம் செலுத்துவதாகவும் இதன் விளைவாக அவர்கள் உறவில் உள்ள பிற முக்கியமான விஷயங்களை எல்லாம் மறந்து விடுவதாகவும் ஆய்வுகள் தெரிவிக்கின்றன. ஒரு காதலி தனது சரியான ஆளுமை சித்தரிப்பை வெளிகொணர்வது மிகவும் முக்கியமானது ஆகும்.

தங்களது சொந்த விருப்பங்களையும் தேவைகளையும் விட்டு கொடுப்பதன் மூலம் அவர்கள் சரியான காதலியாக மாற முடியாது. அதற்கு முதலில் பெண்கள் அவர்களை பற்றி உணர வேண்டும். அதே போல உங்கள் விருப்பத்திற்கு உங்கள் துணையை அடிப்பணிய செய்வதும் பயமுறுத்துவதும் உங்களுக்கு நல்ல காதலை தராது.

அப்படி நீங்கள் செய்தால் நீங்கள் தவறு செய்கிறீர்கள் என அர்த்தமாகும். அதே போல சிலர் தங்கள் துணையின் முன்பு இணக்கமாகவும் உறுதியற்றதாகவும் இருக்க விரும்புகின்றனர். ஆனால் அதன் மூலம் சிறந்த காதலியாக இருக்க முடியாது. நீங்கள் சிறந்த காதலியாக இருக்க வேண்டும் என்றால் அதற்கு சிறந்த வழிகள் உள்ளன. அதற்காக நீங்கள் உங்களை தியாக செய்ய தேவையில்லை.

​உங்களுக்கான எல்லையை அமைத்துக்கொள்ளுங்கள்

ஒரு உறவில் சரியான நேரம் ஒதுக்குவது என்பது பல பெண்களுக்கு சாத்தியமற்ற காரியமாக தோன்றலாம். ஆனால் அது முற்றிலும் அவசியமான ஒன்றாகும். முதலில் உங்கள் தகுதியை நீங்கள் அறிந்துக்கொள்ள வேண்டும். மேலும் உங்களுக்கு உடன்படாத விஷயங்களை நீங்கள் வேண்டாம் என தவிர்க்கவும் கற்றுக்கொள்ள வேண்டும்.

உங்கள் எதிர்ப்பை அவர்கள் ஏற்றுகொள்ளவில்லை என்றாலும் எப்போதும் உங்கள் தேவைக்காக அவர்களிடம் போராட கற்றுக்கொள்ள வேண்டும். இந்த போராட வேண்டும் என்பது உங்கள் உணர்ச்சி மற்றும் பாலியல் விஷயங்களுக்கும் பொருந்தும்.

உங்கள் சுய நம்பிக்கைகள் மற்றும் எண்ணங்கள் குறித்து உங்கள் காதலர் என்ன நினைக்கிறார் என்பதை அறிய வேண்டும். உங்களுடன் பழகிய பிறகு உங்களை குறித்த அனைத்து விஷயங்களையும் அவர் ஏற்றுக்கொண்டால் உங்கள் காதலர் மதிப்புக்குரியவரே. அதே போல நீங்களும் உங்கள் துணையின் நம்பிக்கை மற்றும் எண்ணங்களுக்கு மதிப்பளிக்க வேண்டியதும் மிக அவசியம்.

ஆனால் உங்கள் காதலர் தொடர்ந்து உங்களை உங்கள் விருப்பங்களுக்கு எதிரான அடக்குமுறையை கையாண்டால் உங்களது முடிவை நீங்கள் மறுபரிசீலனை செய்வது நல்லது.

​ஒருவருக்கொருவர் உங்களது விருப்பம் குறித்து தெளிவாக இருங்கள்

எல்லா உறவுகளிலும் எதிர்ப்பார்ப்புகள் என்பது முக்கியமான விஷயமாக உள்ளது. எனவே காதல் துவங்கிய முதல் நாள் முதலே நீங்கள் இருவரும் என்ன விரும்புகிறீர்கள் என்பது குறித்து விவாதிப்பது மிக முக்கியமாகும். இந்த விவாதம் சிலருக்கு சாதரணமாக தெரியலாம். ஆனால் இதனால் முதல் நாளில் இருந்தே உங்கள் துணை மீது வலுவான எதிர்ப்பார்ப்புகளை நீங்கள் வைக்கவோ அல்லது உங்கள் துணை உங்கள் மீது வைக்கவோ பெரிய அவசியம் இல்லாமல் போய்விடும்.

எதிர்ப்பார்ப்புகள் எப்போதும் பெரிதாக இருக்க வேண்டிய அவசியமில்லை. அவை சிறிய அளவிலும் இருக்கலாம். எனவே உங்கள் காதலர் இரவு உணவிற்கு வெளியே செல்ல திட்டமிட்டால் அதை முன் கூட்டியே உங்களுக்கு தெரிவிக்கும்படி கேட்கலாம். உங்கள் காதலர் அவரது சில விருப்பங்களை நீங்கள் பின்பற்ற வேண்டும் என ஆசைப்படலாம். அப்படியான விருப்பங்கள் உங்களுக்கு ஏற்புடையதாக இருந்தால் அதற்கு ஆதரவாக இருங்கள்.

​உங்களை வருத்தப்படுத்தும் விஷயங்களை அவர்களிடம் சொல்லுங்கள்

உங்களது காதலர்கள் எதை விடவும் அதிகமாக உங்களை விரும்பினாலும் அவர்களால் உங்கள் மனதை படிக்க முடியாது. எனவே எதாவது ஒரு குறிப்பிட்ட விஷயம் குறித்து நீங்கள் வருத்தப்படுகிறீர்கள் என்றால் அதை உங்கள் மனதிற்குள்ளேயே வைத்திருப்பதை தவிர்த்திடுங்கள். காதலர்களை நெருக்கமாக வைத்துக்கொள்வதற்கு இருவருக்குமிடையே உள்ள தொடர்பு என்பது மிக முக்கியமான காரணியாகும்.

மேலும் உங்கள் உணர்வுகள் குறித்த விஷயங்களை உங்கள் துணையுடன் பகிர்ந்துக் கொள்ளாதது மூலம் அது மேலும் மோசமடைய கூடும். அதே போல காதலில் அடிக்கடி சண்டை ஏற்படுவது சகஜம். அப்படி சண்டை ஏற்படும்போது உங்கள் காதலருடன் அதுக்குறித்து கலந்துரையாடுவது முக்கியமாகும். உங்கள் காதலர் சில விஷயங்களை புரிந்துக்கொள்ளாமல் இருக்கலாம். இந்த சந்தர்ப்பத்தில் அவர்கள் உங்களை பற்றி புரிந்துக்கொள்வதற்கான நேரத்தை அவர்களுக்கு அளிக்க வேண்டும்.

​உணர்வுகளை வெளிப்படுத்துங்கள்

எந்த ஒரு உறவிலும் உங்கள் உணர்ச்சிகளை வெளிப்படுத்த தயாங்காதீர்கள். எப்போதும் நீங்களாகவே இருங்கள். மற்றவர்கள் கூறுவதை பற்றி கவலைப்பட வேண்டாம். அன்பு, நம்பிக்கை, புரிதல் இவையே உறவுக்கு மிக முக்கிய தேவையாக இருக்கின்றன. உங்கள் எல்லா உணர்ச்சிகளையும் அடக்கி அவற்றை ஆன்மாவிற்குள்ளேயே பூட்டி வைப்பதில் எந்த அர்த்தமும் இல்லை.

உங்கள் உணர்ச்சிகளை வெளிப்படுத்த நீங்கள் பயப்படுபவராக இருந்தால் உங்கள் காதலருடன் உங்களுக்கு இருக்கும் தொடர்பில் விரிசல் ஏற்படலாம். நீங்கள் உங்கள் உணர்ச்சிகளை வெளிப்படுத்துவதன் மூலம் உங்கள் எண்ணங்களையும் சிந்தாங்களையும் உங்கள் இணை ஏற்றுக்கொள்ள ஏதுவாக இருக்கும். மேலும் ஒருவருக்கொருவர் உங்களது உணர்ச்சிகள் குறித்து அதிகமாக அறிந்து வைத்திருக்க வேண்டும்.

இது உணர்ச்சியை பற்றியது மட்டுமல்ல, இதன் மூலம் கருத்துகள், நம்பிக்கைகள் ஆகியவற்றில் இருவரும் எப்படி ஒன்றி போகிறீர்கள் என்பதை அறிந்து கொள்ள முடியும்.

​உறவுகளில் உங்களை இழந்துவிடாதீர்கள்

உறவில் இருக்கும்போதும் எப்போதும் சுதந்திரமாக இருக்க வேண்டும். நீங்கள் தனித்தனியான உணர்வுகளை கொண்ட ஒரு தனி நபர் என்பதை மறந்துவிடாதீர்கள். உங்கள் எண்ணங்கள் உங்கள் காதலரின் எண்ணங்களுக்கு முரணாக இருக்கலாம். இதனால் உங்கள் காதலருடன் நீங்கள் முழுமையாக உடன்படாமல் இருக்கலாம். அது பரவாயில்லை. நீங்கள் ஆரோக்கியமாகவும் சுதந்திரமாகவும் உணரக்கூடிய விஷயங்களை செய்யுங்கள்.

மேலும் எப்போதும் உங்கள் காதலுருடனே இருப்பதை தவிருங்கள். இது உங்கள் தனிப்பட்ட நலனை பாதிக்கும். உங்களுகான சொந்த இடத்தை காதலில் தக்க வைத்துக்கொள்வது முக்கியம். காதலருக்காக எப்போதும் உங்கள் சுயத்தை இழக்காதீர்கள். உங்கள் உறவில் இருவருக்கும் சமமான அந்தஸ்து இருக்க வேண்டும்.

காதல் உறவில் ஒரு காதலியாக உங்கள் பங்கு என்பது உங்கள் காதலரின் விருப்பங்களை பூர்த்தி செய்வது மட்டுமல்ல என்பதை நீங்கள் புரிந்துக்கொள்ளும்போது அனைத்தும் தெளிவடைகிறது. எல்லாவற்றிலும் சம உரிமை கிடைக்கும்போது உறவில் மகிழ்ச்சி ஏற்படுகிறது. இது சண்டை இல்லாத உறவிற்கு வழி வகுக்கிறது

Related Articles

Back to top button

Adblock Detected

Please consider supporting us by disabling your ad blocker